കള്ളക്കുറിച്ചി വിഷമദ്യ ദുരന്തം: മരണ സംഖ്യ 57 ആയി
തിരുവനന്തപുരം: പട്ടികജാതി പട്ടികവര്ഗ ക്ഷേമ വകുപ്പ് മന്ത്രിയായി ഒ.ആര് കേളു സത്യപ്രതിജ്ഞ ചെയ്തു. ഞായറാഴ്ച വൈകിട്ട് നാലിന് രാജ്ഭവനില് നടന്ന ചടങ്ങില് ഗവർണർ ആരിഫ് മുഹമ്മദ് ഖാനാണ് കേളുവിന് സത്യവാചകം ചൊല്ലിക്കൊടുത്തത്.
മുൻ മന്ത്രി കെ.രാധാകൃഷ്ണന് കൈകാര്യം ചെയ്തിരുന്ന എല്ലാ വകുപ്പുകളും കേളുവിന് നല്കിയിട്ടില്ല. ദേവസ്വം വകുപ്പ് വി.എന്. വാസവനും പാര്ലമെന്ററി കാര്യം എം.ബി. രാജേഷിനും വീതിച്ചു നല്കി. ആദ്യമായി മന്ത്രിയാകുന്നു എന്ന കാരണത്താലാണ് കേളുവിന് ഈ വകുപ്പുകള് നല്കാത്തത് എന്നാണ് സിപിഎം വക്താക്കള് പറയുന്നത്. അതേസമയം, കേളുവിന് ദേവസ്വം വകുപ്പ് നല്കാത്തതിനെതിരെ പ്രതിപക്ഷവും സമൂഹ മാധ്യമങ്ങളും വലിയതോതിലുള്ള വിമർശനവും ഉന്നയിക്കുന്നത്ഉയർന്നു വന്നിരുന്നു. വയനാട്ടില്നിന്ന് മന്ത്രിയാകുന്ന ആദ്യത്തെ സിപിഎം ജനപ്രതിനിധിയാണ് കേളു.
വയനാട് ജില്ലനേരിടുന്ന നിരവധി പ്രശ്നങ്ങള്ക്ക് പരിഹാരമാകാന് ഇനി സ്വന്തം മന്ത്രിയുണ്ടാകുമെന്ന ആശ്വാസമാണ് മാനന്തവാടി ജനങ്ങള്ക്കുള്ളത്. സത്യപ്രതിജ്ഞ ചടങ്ങില് മുഖ്യമന്ത്രിയും മന്ത്രിമാരും പങ്കെടുത്തു . പ്രതിപക്ഷ നേതാവ് വി ഡി സതീശൻ പി കെ കുഞ്ഞാലിക്കുട്ടി തുടങ്ങിയവരും ചടങ്ങില് പങ്കെടുത്തു.