'എമര്‍ജന്‍സി' യുടെ കട്ട് ചെയ്യാത്ത പതിപ്പിന് അനുമതി ലഭിച്ചില്ലെങ്കില്‍ കോടതിയെ സമീപിക്കുമെന്ന് കങ്കണ

തന്റെ സിനിമയ്ക്ക് അടിയന്തരാവസ്ഥ പ്രഖ്യാപിച്ച അവസ്ഥയാണെന്നും താരം പറഞ്ഞു. ചിത്രത്തില്‍ കങ്കണ മുന്‍ പ്രധാനമന്ത്രി ഇന്ദിരാഗാന്ധിയായാണ് എത്തുന്നത്. സിനിമയ്ക്ക് സെന്‍സര്‍ ബോര്‍ഡിന്റെ അനുമതി ആദ്യം ലഭിച്ചെങ്കിലും പിന്നീട് അത് പിന്‍വലിക്കപ്പെടുകയായിരുന്നു.

താന്‍ സിനിമയുടെ പവിത്രതയ്ക്ക് വേണ്ടിയാണ് പോരാടുന്നതെന്ന് നടി പറഞ്ഞു. അതേസമയം സിനിമയുടെ റിലീസ് തടയണമെന്നാവശ്യപ്പെട്ട് സിഖ് മത സംഘടനയുടെ ഹര്‍ജി മധ്യപ്രദേശ് ഹൈക്കോടതി പരിഗണിക്കുന്നുണ്ട്.