മക്കളെ കൊല്ലാൻ കൊടും വിഷം കുത്തിവെച്ചു; യുകെയില്‍ മലയാളി നഴ്‌സ് അറസ്റ്റില്‍
കുട്ടികളുടെ ശരീരത്തില്‍ രാസവസ്തു കുത്തിവെച്ച മലയാളി യുവതി ബ്രിട്ടനില്‍ അറസ്റ്റിലായി. ജിലു മോള്‍ ജോര്‍ജ് ആണ് അറസ്റ്റിലായത്.
പതിമൂന്നും എട്ടും വയസ്സുള്ള കുട്ടികള്‍ക്കാണ് ജിലുമോള്‍ വിഷാംശമുള്ള രാസവസ്തു കുത്തിവെച്ച്‌ കൊലപ്പെടുത്താന്‍ ശ്രമിച്ചത്. കൃത്യം നടത്തിയതിന് ശേഷം യുവതി ശേഷം ആത്മഹത്യയ്ക്ക് ശ്രമിക്കുകയും ചെയ്തിരുന്നു.
ഗുരുതരാവസ്ഥയിലായ കുട്ടികള്‍ ആശുപത്രിയില്‍ ചികിത്സയിലാണ്. ജിലുവിന്റെ ഭര്‍ത്താവ് നാട്ടിലാണ്.
യുവതിക്കെതിരെ കൊലപാതകശ്രമത്തിനും ആത്മഹത്യാശ്രമത്തിനും പൊലീസ് കേസെടുത്തിട്ടുണ്ട്. ബ്രൈറ്റണ്‍ മജിസ്ട്രേട്ട് കോടതിയില്‍ യുവതിയെ ഹാജരാക്കി. ശേഷം കോടതി റിമാൻഡ് ചെയ്തു.
