വിമാനക്കൂലി നിയന്ത്രണത്തിന് നിർണായക ചുവടുവെപ്പ് : പ്രവാസി ലീഗൽ സെൽ സുപ്രീം കോടതി നീക്കത്തെ സ്വാഗതം ചെയ്യുന്നു

ബഹ്റൈൻ: പ്രവാസികൾക്കും വിദേശത്ത് ജോലി ചെയ്യുന്ന ലക്ഷക്കണക്കിന് ഇന്ത്യൻ തൊഴിലാളികൾക്കും ഏറെ പ്രതീക്ഷ നൽകുന്ന സുപ്രധാന നീക്കമാണ് വിമാനക്കൂലി നിയന്ത്രണവുമായി ബന്ധപ്പെട്ട വിഷയത്തിൽ ബഹുമാനപ്പെട്ട സുപ്രീം കോടതി നടത്തിയിരിക്കുന്നത്. സുപ്രീം കോടതിയുടെ ഈ നടപടിയെ പ്രവാസി ലീഗൽ സെൽ (Pravasi Legal Cell – PLC) ഹാർദ്ദവമായി സ്വാഗതം ചെയ്തു.

W.P.(C) No. 1124/2025 – S. Laxminarayanan vs. Union of India & Ors. എന്ന കേസിൽ 2026 ഓഗസ്റ്റ് 17-ന് കേസ് പരിഗണിച്ച ബഹുമാനപ്പെട്ട സുപ്രീം കോടതി, കോടതിയുടെ മുമ്പാകെ സമർപ്പിച്ച Draft Rules പരിശോധിക്കുകയും അവ അന്തിമരൂപം നൽകി വീണ്ടും കോടതിയിൽ സമർപ്പിക്കുന്നതിനായി മൂന്ന് ആഴ്ച സമയം അനുവദിക്കുകയും ചെയ്തു. കേസ് 2026 സെപ്റ്റംബർ 7-ന് വീണ്ടും പരിഗണിക്കും.
ഗ്ലോബൽ പ്രസിഡന്റ് അഡ്വ. ജോസ് എബ്രഹാമിന്റെ നേതൃത്വത്തിൽ, പ്രവാസി സമൂഹത്തെ ബാധിക്കുന്ന വിമാനക്കൂലി വർധന ഉൾപ്പെടെയുള്ള നിരവധി വിഷയങ്ങളിൽ പ്രവാസി ലീഗൽ സെൽ സജീവമായ നിയമപരമായ ഇടപെടലുകൾ നടത്തി വരികയാണ്. ലീഡ് പെറ്റീഷണറോടൊപ്പം ചേർന്ന് ഈ വിഷയവും PLC ശക്തമായി പിന്തുടരുകയാണ്.

അഡ്വ. ജോസ് എബ്രഹാം: “ഇത് പ്രവാസികളുടെ നീതിയുടെയും മാന്യതയുടെയും ക്ഷേമത്തിന്റെയും വിഷയമാണ്”. സുപ്രീം കോടതിയുടെ പുതിയ നീക്കത്തെ സ്വാഗതം ചെയ്ത് പ്രവാസി ലീഗൽ സെൽ Dubai പ്രസിഡന്റ് TN Krishnakumar പറഞ്ഞു:

“വിമാനക്കൂലി വർധനവുമായി ബന്ധപ്പെട്ട് ഞങ്ങൾ തുടർച്ചയായി ഉന്നയിച്ചുവരുന്ന ആശങ്കകൾക്ക് സുപ്രീം കോടതിയുടെ പുതിയ നീക്കം വലിയ പ്രതീക്ഷ നൽകുന്നതാണ്. വിദേശത്ത് കഴിയുന്ന ലക്ഷക്കണക്കിന് ഇന്ത്യക്കാർക്ക് വിമാനയാത്ര ഒരു ആഡംബരമല്ല; കുടുംബത്തോടും സ്വന്തം നാടിനോടുമുള്ള ബന്ധം നിലനിർത്തുന്നതിനുള്ള അനിവാര്യമായ മാർഗമാണ്. പ്രത്യേകിച്ച് ഉത്സവകാലങ്ങളിലും അവധിക്കാലങ്ങളിലും അടിയന്തര സാഹചര്യങ്ങളിലും വിമാനക്കൂലി അനിയന്ത്രിതമായി വർധിക്കുന്നത് സാധാരണ പ്രവാസി തൊഴിലാളികളെയും അവരുടെ കുടുംബങ്ങളെയും വലിയ സാമ്പത്തിക ബാധ്യതയിലാക്കുന്നു.”
അദ്ദേഹം തുടർന്നു പറഞ്ഞു:

“ഇത് ഒരു വിമാനക്കൂലി പ്രശ്നം മാത്രമല്ല; ഇത് പ്രവാസികളുടെ നീതിയുടെയും മാന്യതയുടെയും ക്ഷേമത്തിന്റെയും വിഷയമാണ്. വിമാനക്കൂലി സുതാര്യവും ഉത്തരവാദിത്തപരവും ന്യായവുമായ രീതിയിൽ നിയന്ത്രിക്കപ്പെടേണ്ടതുണ്ട്. ലീഡ് പെറ്റീഷണറോടൊപ്പം ചേർന്ന് പ്രവാസി ലീഗൽ സെൽ ഈ വിഷയത്തിൽ സജീവമായി പ്രവർത്തിച്ചുവരികയാണ്. പ്രവാസികൾക്ക് പ്രായോഗികവും ദീർഘകാലാടിസ്ഥാനത്തിലുള്ളതുമായ പരിഹാരം ലഭിക്കുന്നതുവരെ നിയമപരമായ എല്ലാ പിന്തുണയും നൽകുന്നത് തുടരും.”

പ്രവാസി ലീഗൽ സെല്ലിന്റെ വിശാലമായ ഇടപെടലുകളെക്കുറിച്ച് അദ്ദേഹം പറഞ്ഞു:
“വിമാനക്കൂലി പ്രശ്നം പ്രവാസി സമൂഹം നേരിടുന്ന നിരവധി വെല്ലുവിളികളിൽ ഒന്നാണ്. പ്രവാസി തൊഴിലാളികളുടെ അവകാശങ്ങൾ, നിയമസഹായം, തൊഴിൽ-സാമൂഹിക സുരക്ഷ, ഇമിഗ്രേഷൻ, റീപാട്രിയേഷൻ, റിക്രൂട്ട്മെന്റ് സംബന്ധമായ പ്രശ്നങ്ങൾ തുടങ്ങി പ്രവാസികളെ ബാധിക്കുന്ന വിവിധ വിഷയങ്ങളിൽ പ്രവാസി ലീഗൽ സെൽ നിരന്തരം ഇടപെട്ടുവരുന്നു. പ്രവാസികളുടെ ശബ്ദം ബന്ധപ്പെട്ട എല്ലാ വേദികളിലും ശക്തമായി ഉയർത്തുക എന്നതാണ് ഞങ്ങളുടെ പ്രതിബദ്ധത.”
TN Krishnakumar : “പ്രവാസികളുടെ ദീർഘകാല ആശങ്കയ്ക്ക് പരിഹാരം ഉണ്ടാകണം”
സുപ്രീം കോടതി നടപടിയെ സ്വാഗതം ചെയ്ത് പ്രവാസി ലീഗൽ Dubai President, shri TN Krishnakumar പറഞ്ഞു:

“സുപ്രീം കോടതിയുടെ ഇടപെടൽ ഇന്ത്യൻ പ്രവാസി സമൂഹത്തിന് ഏറെ സ്വാഗതാർഹവും പ്രതീക്ഷ നൽകുന്നതുമായ നടപടിയാണ്. പ്രത്യേകിച്ച് ഗൾഫ് രാജ്യങ്ങളിൽ ജോലി ചെയ്യുന്ന സാധാരണ പ്രവാസി തൊഴിലാളികൾക്ക് ഉത്സവകാലങ്ങളിലും അവധിക്കാലങ്ങളിലും അടിയന്തര സാഹചര്യങ്ങളിലും വിമാനക്കൂലി കുത്തനെ ഉയരുന്നത് വർഷങ്ങളായി നേരിടുന്ന വലിയ പ്രശ്നമാണ്.”
അദ്ദേഹം കൂട്ടിച്ചേർത്തു:

“പ്രവാസി ലീഗൽ സെൽ ലീഡ് പെറ്റീഷണറോടൊപ്പം ചേർന്ന് വിമാനക്കൂലി വർധന സംബന്ധിച്ച വിഷയം സജീവമായി പിന്തുടരുകയാണ്. ഇതോടൊപ്പം പ്രവാസി സമൂഹത്തെ ബാധിക്കുന്ന നിയമപരവും സാമൂഹികവും തൊഴിൽപരവുമായ നിരവധി വിഷയങ്ങളിലും PLC ശക്തമായ ഇടപെടലുകൾ നടത്തി വരുന്നു. പ്രവാസികളുടെ ന്യായമായ ആവശ്യങ്ങൾ ബന്ധപ്പെട്ട എല്ലാ അധികാരികളുടെയും നിയമവേദികളുടെയും ശ്രദ്ധയിൽപ്പെടുത്തുന്നത് തുടരും.”
PLC വിവിധ ചാപ്റ്ററുകൾ സുപ്രീം കോടതി നീക്കത്തെ സ്വാഗതം ചെയ്തു
സുപ്രീം കോടതിയുടെ നടപടിയെ പ്രവാസി ലീഗൽ സെൽ വിവിധ രാജ്യങ്ങളിലെ ചാപ്റ്റർ മേധാവികളും സ്വാഗതം ചെയ്തു.

ദുബായ് ചാപ്റ്റർ – ടി. എൻ. കൃഷ്ണകുമാർ, ഒമാൻ ചാപ്റ്റർ – ജെസ്സി, കുവൈത്ത് ചാപ്റ്റർ – ബാബു ഫ്രാൻസിസ് എന്നിവരും PLCയുടെ വിവിധ ചാപ്റ്ററുകളുടെ ഭാരവാഹികളും പ്രതിനിധികളും സുപ്രീം കോടതി നടപടിയെ സ്വാഗതം ചെയ്യുകയും പ്രവാസികൾക്ക് ന്യായമായ വിമാനക്കൂലി ഉറപ്പാക്കുന്നതിനുള്ള തുടർ നിയമനടപടികൾക്ക് പൂർണ്ണ പിന്തുണ പ്രഖ്യാപിക്കുകയും ചെയ്തു.
വിമാനക്കൂലി ഒരു സാധാരണ ഉപഭോക്തൃ വിഷയം മാത്രമല്ലെന്നും, ഇന്ത്യയുമായുള്ള കുടുംബ-സാമൂഹിക ബന്ധം നിലനിർത്തുന്നതിന് വിമാനയാത്രയെ ആശ്രയിക്കുന്ന ലക്ഷക്കണക്കിന് പ്രവാസികളുടെ ക്ഷേമത്തെയും സാമൂഹിക നീതിയെയും നേരിട്ട് ബാധിക്കുന്ന വിഷയമാണെന്നും PLC ചാപ്റ്റർ മേധാവികൾ ചൂണ്ടിക്കാട്ടി.

നിയമപോരാട്ടം തുടരും

വിമാനക്കൂലി നിയന്ത്രണം ഉൾപ്പെടെ പ്രവാസി സമൂഹത്തെ ബാധിക്കുന്ന വിഷയങ്ങളിൽ നിയമപരവും നയപരവുമായ ഇടപെടലുകൾ ശക്തമായി തുടരാൻ പ്രവാസി ലീഗൽ സെൽ തീരുമാനിച്ചു.
സുതാര്യവും പ്രായോഗികവും ഫലപ്രദവുമായ ഒരു വിമാനക്കൂലി നിയന്ത്രണ സംവിധാനം നിലവിൽ വരുകയും സാധാരണ പ്രവാസി തൊഴിലാളികൾക്കും കുടുംബങ്ങൾക്കും അന്യായമായ നിരക്ക് വർധനയിൽ നിന്ന് സംരക്ഷണം ലഭിക്കുകയും ചെയ്യുമെന്നാണ് PLCയുടെ പ്രതീക്ഷ.
പ്രവാസികളുടെ അവകാശങ്ങൾക്കും മാന്യതയ്ക്കും ക്ഷേമത്തിനും വേണ്ടി — പ്രവാസി ലീഗൽ സെൽ നിയമപോരാട്ടം തുടരും.