പൊയ്യാമൊഴി'യുടെ ഫസ്റ്റ്ലുക്ക് പുറത്ത്
ജാഫർ ഇടുക്കി, നവാഗതനായ നഥാനിയേല്, മീനാക്ഷി എന്നിവരെ പ്രധാന കഥാപാത്രങ്ങളാക്കി സുധി അന്ന സംവിധാനം ചെയ്യുന്ന “പൊയ്യാമൊഴി” എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തു.
വിവിധ രാജ്യങ്ങളിലെ ചലച്ചിത്ര കമ്ബനികളും പ്രതിനിധികളും പങ്കെടുക്കുന്ന കാൻ ചലച്ചിത്ര മേളയിലെ ഫിലിം മാർക്കറ്റില് പ്രീമിയർ പ്രദർശനം നടക്കുന്നു. 2024 മെയ് 19ന് എട്ട് മണിക്ക് പലൈസ് എച്ച് തിയേറ്ററിലാണ് ‘പൊയ്യാമൊഴി’യുടെ ആദ്യ പ്രദർശനം. ശരത് ചന്ദ്രൻ തിരക്കഥ, സംഭാഷണം ഒരുക്കിയിരിക്കുന്ന ചിത്രത്തിന്റെ ഛായാഗ്രഹണം വിനോദ് ഇല്ലംപിള്ളി നിർവ്വഹിക്കുന്നു.
എംആർ രേണുകുമാർ എഴുതിയ വരികള്ക്ക് ബിജിബാല് സംഗീതം പകരുന്നു. എഡിറ്റർ- അഖില് പ്രകാശ്, എക്സിക്യൂട്ടീവ് പ്രൊഡ്യൂസർ- ഷിജി മാത്യു ചെറുകര, പ്രൊഡക്ഷൻ കണ്ട്രോളർ- സന്തോഷ് ചെറുപൊയ്ക, ആർട്ട്- നാഥൻ മണ്ണൂർ. കളറിസ്റ്റ്- ജയദേവ് തിരുവെയ്പ്പതി, സൗണ്ട് ഡിസൈൻ- തപസ് നായിക്, മേക്കപ്പ്- റോണക്സ് സേവ്യർ, വസ്ത്രാലങ്കാരം- റോസ് റജിസ്, സ്റ്റില്സ്- ജയപ്രകാശ്, പരസ്യക്കല- എംസി രഞ്ജിത്ത്, ചീഫ് അസോസിയേറ്റ് ഡയറക്ടർ- റ്റൈറ്റസ് അലക്സാണ്ടർ.