റിപ്പോ നിരക്ക് 0.25% വർധിപ്പിച്ച് 5.50 ശതമാനമാക്കി ആർബിഐ
മുംബൈ: വർധിച്ചുവരുന്ന പണപ്പെരുപ്പവും അസംസ്‌കൃത എണ്ണയുടെ ഉയർന്ന വിലയും ആഗോള സാമ്പത്തിക വെല്ലുവിളികളും കണക്കിലെടുത്ത് റിസർവ് ബാങ്ക് ഓഫ് ഇന്ത്യ പലിശനിരക്ക് വർധിപ്പിച്ചു. പോളിസി റിപ്പോ നിരക്ക് 25 ബേസിസ് പോയിന്റ് (0.25%) വർധിപ്പിച്ച് 5.50 ശതമാനമായാണ് ഉയർത്തിയത്. 2023 ഫെബ്രുവരിയേക്കാൾ ശേഷം ഇതാദ്യമായാണ് ആർബിഐ റിപോ നിരക്ക് കൂട്ടുന്നത്.
ഇതോടെ വായ്പകളുടെ പലിശനിരക്ക് വർധിക്കുമെന്നും സാമ്പത്തിക നയം കൂടുതൽ കർശനമാക്കുമെന്നുമുള്ള സൂചനയാണ് കേന്ദ്രബാങ്ക് നൽകുന്നത്. രാജ്യത്തെ ശക്തമായ സാമ്പത്തിക പ്രവർത്തനങ്ങളുടെ പശ്ചാത്തലത്തിൽ, 2026-27 സാമ്പത്തിക വർഷത്തെ രാജ്യത്തിന്റെ വളർച്ചാ അനുമാനം ആർബിഐ 6.7 ശതമാനത്തിൽ നിന്ന് 7.1 ശതമാനമായി ഉയർത്തി. അതേസമയം, പണപ്പെരുപ്പ പ്രവചനം നേരത്തെ കണക്കാക്കിയിരുന്ന 5 ശതമാനത്തിൽ നിന്ന് 5.2 ശതമാനമായും ഉയർത്തിയിട്ടുണ്ട്.
ഏകദേശം രണ്ടു വർഷത്തെ ഇടവേളയ്ക്ക് ശേഷമാണ് പലിശനിരക്ക് ഉയർത്താൻ ആർബിഐ തീരുമാനിക്കുന്നത്. ഈ വർധനവ് രാജ്യത്തെ വായ്പാ ചെലവുകൾ വർധിപ്പിക്കും. ഭവന, വ്യക്തിഗത, വാഹന വായ്പകളുടെ പലിശനിരക്കും ഇഎംഐയും ഉയരാൻ ഇത് കാരണമാകും. എന്നാൽ ഇത് നിക്ഷേപകർക്ക് അനുകൂലമാകാനും സാധ്യതയുണ്ട്.
