കോട്ടയം കവിയരങ്ങിന്റെ 4-ാം വാർഷികവും ഓണാഘോഷവും

കോടിമത; കോട്ടയം കവിയരങ്ങിന്റെ 4-ാം വാർഷികവും ഓണാഘോഷവും, സാഹിത്യ പ്രവർത്തക സഹകരണ സംഘം ഭരണസമിതി അംഗവും എഴുത്തുകാരനുമായ ഡോക്ടർ എം.ജി.ബാബുജി ഉദ്ഘാടനം ചെയ്തു.

 കോട്ടയം കവിയരങ്ങിന്റെ 4-ാം വാർഷിക ആഘോഷം ഡോക്ടർ, എം.ജി.ബാബുജി ഉദ്ഘാടനം ചെയ്യുന്നു

കൊട്ടാരത്തിൽ ശങ്കുണ്ണി പബ്ലിക് ലൈബ്രറി ആഡിറ്റോറിയത്തിൽചേർന്ന പൊതുയോഗത്തിൽഎം.കെ.നാരായണൻ കുട്ടി അദ്ധ്യക്ഷനായിരുന്നു. 

മൺമറഞ്ഞ കലാ സാഹിത്യ സാംസ്കാരിക പ്രതിഭകളെ, ഏലിയാമ്മ കോര അനുസ്മരിച്ചു. ഡോക്ടർ മുഞ്ഞിനാട് പത്മകുമാർ ഓണസന്ദേശം നല്കി.

ഡോക്ടർ മുഞ്ഞിനാട്  ഓണ സന്ദേശം നല്കുന്നു

കോട്ടയം കവിയരങ്ങ് മെമ്പർ ഋതു ആനന്ദിന്റെ (ആനന്ദ് എ.എസ്) " തണുപ്പ് പുതപ്പ് വെറുപ്പ് എന്ന കവിതാ സമാഹാരത്തിന്റെ പ്രകാശനകർമ്മം M.G. യൂണിവേഴ്സിറ്റി, School of letters, പ്രൊഫസർ ഡോക്ടർ അജു കെ.നാരായണൻ നിർവഹിച്ചു.

ഡോക്ടർ അജു.കെ.നാരായണൻ. Prof. School of Letters, MG. University. പുസ്തകം  പരിചയപ്പെടുത്തുന്നു.

ആദ്യ കോപ്പി. .ഡോക്ടർ രാജീവ് പുലിയൂർ (Principal CPAScollege of Teachers Training) ഏറ്റുവാങ്ങി..

     ഡോക്ടർ രാജീവ് പുലിയൂർ പുസ്തകം ഏറ്റുവാങ്ങി പ്രഭാഷണം നടത്തുന്നു.

ഋതു ആനന്ദ് മറുമൊഴി പ്രസംഗം നടത്തി.

ഓണംഓർമ്മകളിലൂടെ "പാട്ടുപറച്ചിലും " പരിപാടി, പ്രശസ്ത പത്രപ്രവർത്തകനും, മലയാള മനോരമ സീനിയർ കറസ്പോണ്ടന്റുമായ ആത്മജ വർമ്മ തമ്പുരാൻ ഉദ്ഘാടനം ചെയ്തു. പ്രസന്നനായർ ഓണ ക്വിസ്സ് അവതരിപ്പിച്ചു. കുവൈറ്റ്കവിയരങ്ങ് സാഹിത്യ സമിതി അഡ്മിൻ രതീഷ് പൈക്കം ആശംസപ്രഭാഷണം നടത്തി.

 കവിതാ രചന മത്സരവിജയികൾക്കുള്ള സമ്മാനങ്ങൾ, ഡോക്ടർ എം.ജി.ബാബുജി, ആത്മജ വർമ്മ തമ്പുരാൻ എന്നിവർ വിതരണം ചെയ്തു.

പ്ലാസ്റ്റിക് രഹിതമായി, വേദി കുരുത്തോല കൊണ്ട് അലങ്കാരം നടത്തിയ, പ്രശസ്ത നാടൻ പാട്ട് കലാകാരൻ അനീഷ് കാവി മറ്റത്തിനെ ഡോക്ടർ എം.ജി.ബാബുജി സ്നേഹാദരവ് നല്കി ആദരിച്ചു,

      കുവൈറ്റ് കവിയരങ്ങ് അഡ്മിൻ കോട്ടയം കവിയരങ്ങിന്റെ സ്നേഹാദരം ഡോക്ടർ എം.ജി.ബാബുജിയിൽ നിന്നും. ഏറ്റുവാങ്ങുന്നു

അംഗങ്ങൾ വിവിധ കലാപരിപാടികൾ അവതരിപ്പിച്ചു. ബേബി പാറക്കടവന്റെ നേതൃത്വത്തിൽ നാടൻപാട്ട് അവതരിപ്പിച്ചു. കുമാരി സൂര്യലക്ഷി വിളക്കാട്ടം (വിളക്ക് തലയിലേന്തി കരകാട്ടം) നടത്തി. ചീഫ് കോർഡിനേറ്റർ ബേബി പാറക്കടവൻ സ്വാഗതവും സുകു.പി.ഗോവിന്ദ് നന്ദിയും പറഞ്ഞു.