ടെസ്ല കാർ വീടിനുള്ളിലേക്ക് പാഞ്ഞുകയറി; വീട്ടിലുണ്ടായിരുന്ന സ്ത്രീ മരിച്ചു, സ്വയം ഓടിക്കുന്ന സംവിധാനം പ്രവർത്തിച്ചിരുന്നുവെന്ന് ഡ്രൈവർ

പ്രസാദ് തീയാടിക്കൽ

കാറ്റി – ടെക്സസ്: ടെക്സസിലെ കാറ്റി പ്രദേശത്ത് വെള്ളിയാഴ്ച രാത്രി നടന്ന ദാരുണ അപകടത്തിൽ വീട്ടിനുള്ളിലുണ്ടായിരുന്ന ഒരു സ്ത്രീ മരിച്ചു. മൈക്കൽ ബട്‌ലർ ഓടിച്ചിരുന്ന ടെസ്ല മോഡൽ 3 കാർ റോഡിൽ നിന്ന് നിയന്ത്രണം വിട്ട് സമീപത്തെ വീട്ടിലേക്ക് അതിവേഗത്തിൽ ഇടിച്ചുകയറിയതായാണ് ഹാരിസ് കൗണ്ടി ഷെരീഫ് ഓഫീസിന്റെ പ്രാഥമിക കണ്ടെത്തൽ.

രാത്രി ഏകദേശം 8 മണിയോടെയായിരുന്നു സംഭവം. വാഹനത്തിൽ ഓട്ടോമേറ്റഡ് ഡ്രൈവിംഗ് അസിസ്റ്റൻസ് സംവിധാനം പ്രവർത്തിച്ചിരുന്നതായി ഡ്രൈവർ അന്വേഷണ ഉദ്യോഗസ്ഥരോട് പറഞ്ഞതായി അധികൃതർ അറിയിച്ചു. വാഹനം ലെയിനിൽ നിലനിർത്തുന്നതിൽ പരാജയപ്പെട്ടതിനെ തുടർന്ന് റോഡ് വിട്ട് വീടിന്റെ ഭിത്തി തകർത്തുകയറി. വീടിനുള്ളിലുണ്ടായിരുന്ന എം. അവില (M. Avila) എന്ന സ്ത്രീക്ക് ഗുരുതരമായി പരിക്കേറ്റു. ആശുപത്രിയിലേക്ക് എയർലിഫ്റ്റ് ചെയ്തെങ്കിലും പിന്നീട് മരണം സംഭവിച്ചു.

അപകടത്തിൽ ഡ്രൈവർക്കും പരിക്കേറ്റിട്ടുണ്ട്. എന്നാൽ മദ്യമോ മയക്കുമരുന്നോ ഉപയോഗിച്ചിരുന്നതിന്റെ ലക്ഷണങ്ങൾ കണ്ടെത്തിയിട്ടില്ലെന്നും അദ്ദേഹം അന്വേഷണവുമായി സഹകരിക്കുന്നുണ്ടെന്നും അധികൃതർ അറിയിച്ചു. ശനിയാഴ്ച വൈകുന്നേരം വരെ ആരെയുംതിരെ കുറ്റം ചുമത്തിയിട്ടില്ല. സംഭവത്തെക്കുറിച്ചുള്ള അന്വേഷണം തുടരുകയാണ്.