മീരാ നന്ദന് വിവാഹിതയായി
![മീരാ നന്ദന് വിവാഹിതയായി](https://worldmalayaleevoice.com/uploads/images/202406/image_870x_667febfa225fe.jpg)
ചലച്ചിത്രതാരവും റേഡിയോ ജോക്കിയുമായ മീരാ നന്ദന്റെ കഴുത്തില് താലി ചാർത്തി ശ്രീജു. ഇന്ന് രാവിലെ ഗുരുവായൂര് ക്ഷേത്രത്തിലായിരുന്നു വിവാഹം.
കൊച്ചി എളമക്കര സ്വദേശിനിയായ മീര നന്ദന് ലാല്ജോസ് ചിത്രം മുല്ലയിലൂടെ 2008 ലാണ് സിനിമാ അരങ്ങേറ്റം നടത്തിയത്. തൊട്ടടുത്ത വര്ഷം വാല്മീകി എന്ന ചിത്രത്തിലൂടെ തമിഴിലും 2011 ല് ജയ് ബോലോ തെലങ്കാന എന്ന ചിത്രത്തിലൂടെ തെലുങ്കിലും 2014 ല് കരോട്പതി എന്ന ചിത്രത്തിലൂടെ കന്നഡത്തിലും അരങ്ങേറി. പുതിയ മുഖം, എല്സമ്മ എന്ന ആണ്കുട്ടി, അപ്പോത്തിക്കരി തുടങ്ങിയവയാണ് ശ്രദ്ധേയ ചിത്രങ്ങള്. നിലവില് ദുബൈയില് നിന്നുള്ള മലയാളം റേഡിയോ സ്റ്റേഷന് ഗോള്ഡ് 101.3 എഫ്എമ്മില് ആര്ജെയാണ്. ഈ വര്ഷം പുറത്തെത്തിയ എന്നാലും എന്റെ അളിയാ ആണ് മീര അഭിനയിച്ച് പുറത്തെത്തിയ അവസാന ചിത്രം.