യു ജി സി നെറ്റ് പരീക്ഷ റദ്ദാക്കി
ന്യൂഡല്ഹി :ഇന്നലെ നടന്ന യു ജി സി നെറ്റ് പരീക്ഷ എന് ടി എ റദ്ദാക്കി. പരീക്ഷയുടെ സമഗ്രത നഷ്ടപ്പെട്ടതു സംബന്ധിച്ച വിവരങ്ങള് ലഭിച്ചിട്ടുണ്ടെന്നും എന് ടി എ ഔദ്യോഗിക വെബ്സൈറ്റില് അറിയിച്ചു.
രാജ്യത്തെ 317 നഗരങ്ങളിലായി 1,205 പരീക്ഷാ കേന്ദ്രങ്ങളിലാണ് യു ജി സി-നെറ്റ് പരീക്ഷ നടത്തിയത്. 11 ലക്ഷത്തിലധികം ഉദ്യോഗാര്ഥികള് പരീക്ഷയെഴുതിയിരുന്നു. ആഭ്യന്തര മന്ത്രാലയത്തിന് കീഴിലുള്ള ഇന്ത്യന് സൈബര് ക്രൈം കോഓഡിനേഷന് സെന്ററില് നിന്നുള്ള ഇന്പുട്ടുകളുടെ അടിസ്ഥാനത്തിലാണ് പരീക്ഷ റദ്ദാക്കിയന്നത്. പരീക്ഷയുടെ സമഗ്രതയില് വിട്ടുവീഴ്ച ചെയ്തിരിക്കാമെന്ന് എന് ടി എ അറിയിച്ചു.
പരീക്ഷാ പ്രക്രിയയില് ഏറ്റവും ഉയര്ന്ന തലത്തില് സുതാര്യതയും പവിത്രതയും നഷ്ടപ്പെട്ട സാഹചര്യത്തിലാണ് പരീക്ഷ റദ്ദാക്കാന് തീരുമാനിച്ചതെന്നു വിദ്യാഭ്യാസ മന്ത്രാലയം വ്യക്തമാക്കി. പുതിയ പരീക്ഷ പിന്നീട് നടത്തും. ഇതിന്റെ വിവരങ്ങള് പിന്നീട് അറിയിക്കുമെന്നും എന് ടി എ പ്രസ്താവനയില് പറഞ്ഞു.