പശ്ചിമ ബംഗാളിലെ ട്രെയിനുകള് കൂട്ടിയിടിച്ചുണ്ടായ അപകടം; മരിച്ചവരുടെ എണ്ണം 15 ആയി
കൊല്ക്കത്ത: പശ്ചിമ ബംഗാളിലെ ജല്പായ്ഗുഡില് കാഞ്ചന്ജംഗ എക്സ്പ്രസും ഗുഡ്സ് ട്രെയിനും കൂട്ടിയിടിച്ചുണ്ടായ അപകടത്തില് മരിച്ചവരുടെ എണ്ണം 15 ആയി.
അപകടത്തില് കാഞ്ചൻജംഗയുടെ രണ്ട് കോച്ചുകളും ചരക്കുവണ്ടിയുടെ ഏതാനും ബോഗികളും പാളം തെറ്റിയിട്ടുണ്ട്. ചരക്ക് ട്രെയിനിന്റെ ലോക്കോ പൈലറ്റും കാഞ്ചൻജംഗ എക്സ്പ്രസിലെ ഗാർഡും അപകടത്തില് മരിച്ചവരിലുള്പ്പെടുന്നു. ദേശീയ ദുരന്ത നിവാരണ സേന ഉള്പ്പെടെ സ്ഥലത്തെത്തിയാണ് രക്ഷാപ്രവർത്തനം നടത്തിയത്.