ഇലക്ട്രിക് ബൈക്കിന്റെ ബാറ്ററി പൊട്ടിത്തെറിച്ച് തീപിടിത്തം; ഇന്ത്യന് മാധ്യമ പ്രവര്ത്തകന് യു.എസില് മരിച്ചു
ന്യൂയോർക്ക്: അമേരിക്കയിലെ അപ്പാർട്ട്മെന്റിലുണ്ടായ തീപിടിത്തത്തില് ഇന്ത്യൻ പൗരൻ മരിച്ചു. 27-കാരനായ മാദ്ധ്യമപ്രവർത്തകൻ ഫാസില് ഖാനാണ് മരിച്ചത്.
അപകടത്തില് 17 പേർക്ക് പരിക്കേറ്റിരുന്നു. വെള്ളിയാഴ്ച ഉച്ചയ്ക്ക് രണ്ട് മണിയോടെ അപ്പാർട്ട്മെന്റിന്റെ മൂന്നാം നിലയിലാണ് തീപിടിത്തമുണ്ടായത്.
കൊളംബിയ ജേർണലിസം സ്കൂളിലെ ബിരുദധാരിയായിരുന്നു ഫാസില് ഖാൻ. ഹെക്കിങ്കർ റിപ്പോർട്ടില് ഡാറ്റ ജേർണലിസ്റ്റ് ജോലി ചെയ്യുന്നതിനിടെയാണ് അപകടം. 2018 ല് ബിസിനസ് സ്റ്റാൻഡേർഡില് കോപ്പി എഡിറ്ററായാണ് ഫാസില് തന്റെ കരിയർ ആരംഭിച്ചത്. ഡല്ഹിയില് സിഎൻഎൻ-ന്യൂസ് 18ല് ലേഖകനായും പ്രവർത്തിച്ചു. 2020-ല് ഉപരിപഠനത്തിനായി ന്യൂയോർക്കില് എത്തുകയായിരുന്നു.