മുല്ലപ്പെരിയാറില്‍ ഉള്‍പ്പെടെ ഒമ്ബതു പുതിയ ഡാമുകള്‍ നിര്‍മിക്കാൻ പദ്ധതി
തിരുവനന്തപുരം: മുല്ലപ്പെരിയാറില്‍ ഉള്‍പ്പെടെ ഒമ്ബതു പുതിയ ഡാമുകള്‍ നിര്‍മിക്കാൻ പദ്ധതിയുണ്ടെന്ന് മന്ത്രി റോഷി അഗസ്റ്റിന്‍ നിയമസഭയെ അറിയിച്ചു.
തമിഴ്‌നാടിന് ജലവും കേരളത്തിന് സുരക്ഷയും എന്നതാണ് ഈ വിഷയത്തില്‍ കേരളത്തിന്റെ നയമെന്നും മന്ത്രി വ്യക്തമാക്കി. പെരിയാര്‍, ചാലക്കുടി, ചാലിയാര്‍, പമ്ബ- അച്ചന്‍കോവില്‍, മീനച്ചില്‍ നദീതടങ്ങളില്‍ പ്രളയ പ്രതിരോധ ഡാമുകള്‍ നിര്‍മിക്കാനും നടപടി തുടങ്ങി. ഇതില്‍ മൂന്നു ഡാമുകളുടെ പഠനം പൂര്‍ത്തിയാക്കിയതായും മന്ത്രി വ്യക്തമാക്കി.
