സംസ്ഥാനത്ത് നാല് വര്‍ഷ ബിരുദ കോഴ്സുകള്‍ക്ക് തുടക്കമായി
തിരുവനന്തപുരം: സംസ്ഥാനത്തെ പൊതുവിദ്യാഭ്യാസ രംഗത്ത് നിന്നും പരീക്ഷകളിലെ വിജയത്തിന് വേണ്ടി മാത്രം പഠിക്കുന്ന രീതി പാടെ മാറ്റണമെന്ന് മുഖ്യമന്ത്രി പിണറായി വിജയൻ.
സംസ്ഥാനത്തെ വിദ്യാഭ്യാസ മേഖലയില്‍ പരീക്ഷ ജയിക്കുന്നതിന് വേണ്ടി മാത്രമുള്ള പഠനമോ പഠിപ്പിക്കലോ ഇനി ഉണ്ടാവില്ലെന്ന് മുഖ്യമന്ത്രി വ്യക്തമാക്കി. വിദ്യാർത്ഥികള്‍ക്ക് അവരവരുടെ അഭിരുചിക്ക് അനുസരിച്ച്‌ ഇഷ്ട വിഷയങ്ങള്‍ പഠിക്കാനുള്ള സ്വാതന്ത്ര്യമാണ് നാലു വർഷ ബിരുദ കോഴ്സുകളുടെ പ്രത്യേകത. വിദ്യാർത്ഥികളുടെ മാറുന്ന അഭിരുചിക്കനുസരിച്ച്‌ കരിക്കുലം മാറുന്നില്ല എന്ന ആക്ഷേപം ഒരു ന്യൂനതയായി നിലനിന്നിരുന്നുവെന്നും നാലുവർഷം ബിരുദ കരിക്കുലം കൊണ്ട് ഇത് മറികടക്കാൻ കഴിയുമെന്നാണ് സർക്കാർ പ്രതീക്ഷുന്നതെന്നും മുഖ്യമന്ത്രി പറഞ്ഞു.
