ഡോ. തോമസ് മാർ അത്തനാസിയോസ് മെത്രാപ്പോലീത്തയ്ക്ക് കെന്നഡി വിമാനത്താവളത്തിൽ ആത്മീയ ഹർഷത്തോടെ സ്വാഗതം: നോർത്ത് അമേരിക്കൻ ഭദ്രാസനത്തിന്റെ ഹൃദ്യമായ വരവേൽപ്പ്
ജോർജ് തുമ്പയിൽ
നോർത്ത് അമേരിക്കൻ ഭദ്രാസനത്തിന്റെ ചരിത്ര താളുകളിൽ പുതിയൊരു അധ്യായം കുറിച്ചുകൊണ്ട്, ജോൺ എഫ്. കെന്നഡി അന്താരാഷ്ട്ര വിമാനത്താവളത്തിൽ എത്തിച്ചേർന്ന ഭദ്രാസന ഫാമിലി & യൂത്ത് കോൺഫറൻസ് മുഖ്യപ്രഭാഷകൻ ഡോ. തോമസ് മാർ അത്തനാസിയോസ് മെത്രാപ്പോലീത്തയ്ക്ക് അതീവ ആദരവോടും ആത്മീയ ഹർഷത്തോടും ഹൃദ്യമായ സ്വാഗതം.
ഭദ്രാസന മെത്രാപ്പോലീത്ത സഖറിയാ മാർ നിക്കളാവോസ്, ഭദ്രാസന ചാൻസലർ ഫാ. തോമസ് പോൾ, കോൺഫറൻസ് കോർഡിനേറ്റർ ഫാ. അലക്സ് ജോയ്, സെക്രട്ടറി ജയ്സൺ തോമസ്, ട്രഷറർ ജോൺ താമരവേലിൽ എന്നിവരുടെ നേതൃത്വത്തിൽ മാർ അത്തനാസിയോസ് മെത്രാപ്പോലീത്തയെ വിമാനത്താവളത്തിൽ സ്വീകരിച്ചു.
കോൺഫറൻസ് വരെ മട്ടൺടൗണിലുള്ള ഭദ്രാസന ചാൻസറിയിൽ താമസിക്കുന്ന മാർ അത്തനാസിയോസ്, കോൺഫറൻസിൽ പങ്കെടുത്ത ശേഷം കേരളത്തിലേക്ക് മടങ്ങിപ്പോകും.
