സ്പെയിനില് പാർപ്പിടസമുച്ചയത്തിലുണ്ടായ തീപിടിത്തത്തില് 10 മരണം
മാഡ്രിഡ്: സ്പെയിനിലെ വലൻസിയ നഗരത്തില് പാർപ്പിടസമുച്ചയത്തിലുണ്ടായ തീപിടിത്തത്തില് പത്തു പേർ മരിച്ചു. 14 പേർക്കു പരിക്കേറ്റു.
അടുത്തടുത്തുള്ള രണ്ടു വലിയ കെട്ടിടങ്ങളിലാണു തീപിടിത്തമുണ്ടായത്. 14 നില കെട്ടിടത്തിലുണ്ടായ തീ മറ്റേ കെട്ടിടത്തിലേക്കു പടരുകയായിരുന്നു. 138 ഫ്ലാറ്റുകളിലായി 450 പേർ ഇവിടെ താമസിച്ചിരുന്നു.
മിനിറ്റുകള്ക്കം തീ പടർന്നുവെന്നാണു ദൃക്സാക്ഷികള് പറഞ്ഞത്. കെട്ടിടനിർമാണത്തിനുപയോഗിച്ച ചില വസ്തുക്കളും കാറ്റുമാണ് അതിവേഗം തീ പടരാൻ കാരണമായതെന്നു കരുതുന്നു.