ഉത്തരവാദിത്തങ്ങളിൽ അതീവ ജാഗ്രതയും ഭക്തിയും വേണം : ശബരിമല തന്ത്രി കണ്ഠരര് ബ്രഹ്മദത്തന് ഹൈക്കോടതിയുടെ ഉപദേശം
ശബരിമല തന്ത്രി കണ്ഠരര് ബ്രഹ്മദത്തന് ഹൈക്കോടതിയുടെ ദേവസ്വം ബെഞ്ചിന്റെ ഉപദേശം. ക്ഷേത്രത്തിന്റെ പവിത്രത, ഭരണപരമായ ആചാരമര്യാദകൾ, ഭക്തരുടെ വിശ്വാസം എന്നിവ കണക്കിലെടുത്ത് വേണം പ്രവർത്തിക്കാൻ. ഉത്തരവാദിത്തങ്ങളിൽ അതീവ ഭക്തിയും ജാഗ്രതയും പുലർത്തണമെന്നും കോടതി ഓർമ്മിപ്പിച്ചു.
എടുക്കുന്ന തീരുമാനങ്ങൾ പ്രതിഷ്ഠയുടെ താല്പര്യം മുൻനിർത്തി ഉള്ളതായിരിക്കണം. ആചാരങ്ങളും അനുഷ്ഠാനങ്ങളും സംരക്ഷിക്കുന്നതിന് മുൻഗണന നൽകണമെന്നും, ഭക്തരുടെ ക്ഷേമത്തിനും ആത്മീയതയ്ക്കും പ്രാധാന്യം നൽകണമെന്നും ദേവസ്വം ബെഞ്ച് വ്യക്തമാക്കി.
തന്ത്രി കണ്ഠര് രാജീവരുടെ മകനാണ് ബ്രഹ്മദത്തൻ.തന്നെ ശബരിമല തന്ത്രി സ്ഥാനത്തുനിന്ന് ഒഴിവാക്കി മകന് സ്ഥാനം നൽകണമെന്ന് അദ്ദേഹം ദേവസ്വം ബോർഡിനോട് ആവശ്യപ്പെട്ടിരുന്നു
