പെന്‍ഷന്‍ മുടങ്ങിയിട്ട് ഏഴ് മാസം, പരിഹാരം ഉണ്ടായില്ലെങ്കില്‍ സമരത്തിലേക്ക് നീങ്ങും: സതീശന്‍
തിരുവനന്തപുരം: സാമുഹിക സുരക്ഷാ പെന്‍ഷന്‍ ഇനിയെങ്കിലും കൊടുക്കാന്‍ തയാറായില്ലെങ്കില്‍ പ്രതിപക്ഷം പ്രക്ഷോഭത്തിലേക്ക് നീങ്ങുമെന്ന് പ്രതിപക്ഷ നേതാവ് വി.ഡി.സതീശന്‍.
നിലവില്‍ പെന്‍ഷന്‍ മുടങ്ങിയിട്ട് ഏഴ് മാസമായി. പാവങ്ങളില്‍ പാവങ്ങളോട് സര്‍ക്കാര്‍ ക്രൂരത കാണിക്കുകയാണ്. കെപിസിസിയുടെ ജനകീയ ചര്‍ച്ചാ സദസുകളില്‍ ഏറ്റവുമധികം ആളുകള്‍ പരാതി പറഞ്ഞത് ഇതേക്കുറിച്ചാണെന്നും സതീശന്‍ പറഞ്ഞു.
