ഖത്തര്‍ പൗരന്മാര്‍ക്ക് ഇനി കാനഡയിലേക്ക് വിസയില്ലാതെ യാത്ര ചെയ്യാം
ദോഹ: ഖത്തർ പൗരന്മാർക്ക് കാനഡയിലേക്കുള്ള യാത്ര കൂടുതല്‍ ലളിതം. കാനഡയുടെ ഇലക്‌ട്രോണിക് യാത്രാ അംഗീകാരമായ (ETA) പട്ടികയില്‍ ഖത്തറിനെ ഉള്‍പ്പെടുത്തിയതോടെ, വിസ പേപ്പർവർക്കുകളോ നീണ്ട കാത്തിരിപ്പ് കാലയളവുകളോ ഇല്ലാതെ ഖത്തർ പൗരന്മാർക്ക് ഇനി കാനഡയില്‍ പ്രവേശിക്കാം.
ഖത്തർ ആഭ്യന്തര മന്ത്രാലയം സ്ഥിരീകരിച്ച പുതിയ നയം അനുസരിച്ച്‌, ഖത്തർ പൗരന്മാർക്ക് കാനഡ സന്ദർശിക്കാൻ ഇനി വിസയുടെ ആവശ്യമില്ല. പകരം, ETA എന്നറിയപ്പെടുന്ന ഇലക്‌ട്രോണിക് യാത്രാ അംഗീകാരത്തിന് അപേക്ഷിച്ചാല്‍ മതി. ഇരു രാജ്യങ്ങളിലെയും സർക്കാരുകള്‍ തമ്മിലുള്ള ഏകോപനത്തിന് ശേഷം 2025 നവംബർ 25 മുതലാണ് ഈ പ്രഖ്യാപനം പ്രാബല്യത്തില്‍ വന്നത്.
കാനഡ ഇതിനകം വിസ ഒഴിവാക്കിയതായി കണക്കാക്കുന്ന രാജ്യങ്ങളില്‍ നിന്നുള്ള യാത്രക്കാർക്കായി രൂപകല്‍പ്പന ചെയ്ത സംവിധാനമാണ് ഇലക്‌ട്രോണിക് യാത്രാ അംഗീകാരം (ETA). ഇത് പൂർണ്ണമായും ഓണ്‍ലൈൻ വഴിയുള്ള പ്രക്രിയയായതിനാല്‍, ഖത്തരി അപേക്ഷകർക്ക് മിനിറ്റുകള്‍ക്കുള്ളില്‍ അവരുടെ അംഗീകാരം നേടാൻ സാധിക്കും.
