ബോളിവുഡ് നടി നേഹ ശര്മ്മ കോണ്ഗ്രസ് സ്ഥാനാര്ഥിയായി മത്സരിച്ചേക്കും
ന്യൂഡല്ഹി: ബോളിവുഡ് നടി നേഹ ശർമ്മ വരുന്ന ലോക്സഭാ തെരഞ്ഞെടുപ്പില് മത്സരിച്ചേക്കുമെന്ന സൂചന നല്കി പിതാവും കോണ്ഗ്രസ് എം.എല്.എയുമായ അജയ് ശർമ്മ.
'കോണ്ഗ്രസിന് ഭഗല്പൂർ ലഭിക്കണം, ഞങ്ങള് മത്സരിച്ച് വിജയിക്കും. കോണ്ഗ്രസിന് ഭഗല്പൂർ ലഭിച്ചാല്, എന്റെ മകള് നേഹ ശർമ്മ മത്സരിക്കണമെന്ന് ഞാൻ ആഗ്രഹിക്കുന്നു, കാരണം ഞാൻ എംഎല്എയാണ്. പക്ഷേ പാർട്ടി തന്നോട് മത്സരിക്കാൻ പറഞ്ഞാല് ഞാനത് ചെയ്യും..' അജയ് ശർമ്മ പറഞ്ഞു. ഈ തെരഞ്ഞെടുപ്പില് 'ഇൻഡ്യ' സഖ്യം ബിഹാറില് നിന്ന് ബിജെപിയെ തുടച്ചുനീക്കുമെന്നും അജയ് ശർമ്മ പറഞ്ഞു.
'ബിഹാറില് നിന്ന് ഞങ്ങള് എൻഡിഎയെ തുടച്ചു നീക്കും. നരേന്ദ്ര മോദിയെ അധികാരത്തില് നിന്ന് പുറത്താക്കാനുള്ള ഉത്തരവാദിത്തം ഇത്തവണ ബിഹാർ ഏറ്റെടുക്കുമെന്നും അദ്ദേഹം പറഞ്ഞു.
'ക്രൂക്ക്' എന്ന ചിത്രത്തിലൂടെ ഇമ്രാൻ ഹാഷ്മിയുടെ നായികയായാണ് നേഹ ശർമ്മ സിനിമയില് അരങ്ങേറ്റം കുറിച്ചത്. പിന്നീട് 'തൻഹാജി: ദി അണ്സങ് വാരിയർ', 'യംല പഗ്ല ദീവാന 2', 'തും ബിൻ 2', 'മുബാറകൻ' തുടങ്ങിയ സിനിമകളില് അഭിനയിച്ചിട്ടുണ്ട്. ദുല്ഖർ സല്മാൻ നായകനായ 'സോളോ' എന്ന ചിത്രത്തിലും നേഹ അഭിനയിച്ചിട്ടുണ്ട്.