മിനി സുരേഷിന്റെ പുസ്തകങ്ങളുടെ പ്രകാശനവും, വനിതാ അംഗങ്ങളെ ആദരിക്കലും
കോട്ടയം കവിയരങ്ങ് Reg.No: KTM / TC / 140/2023ന്റെ ആഭിമുഖ്യത്തിൽ വനിതാ ദിനാഘോഷവും, കോട്ടയം കവിയരങ്ങ് പ്രസിദ്ധികരിക്കുന്നതും, മിനി സുരേഷ് രചന നിർവ്വഹിച്ചതുമായ രണ്ടു പുസ്തകങ്ങളുടെ പ്രകാശനവും നടത്തി.
കൊട്ടാരത്തിൽ ശങ്കുണ്ണി പബ്ലിക് ലൈബ്രറി ഓഡിറ്റോറിയത്തിൽ നടന്ന ചടങ്ങിൽ, കെ.എം സിന്ധു ടീച്ചർ അദ്ധ്യക്ഷത വഹിച്ചു.
ചങ്ങനാശേരി എൻ.എസ്.എസ് കോളേജ് അസ്സിസ്റ്റന്റ് പ്രൊഫസർ C ആതിരപ്രകാശ് വനിതാ ദിനം ഉദ്ഘാടനം ചെയ്തു. ഡോക്ടർ എം.ജി.ബാബുജി പുസ്ത കങ്ങളുടെ പ്രകാശനം നിർവ്വഹിച്ചു.
മഹാത്മ ഗാന്ധി സർവ്വകലാശാല ജോയിന്റ് രജിസ്ട്രാർ സുജ എസ്. കോട്ടയം കവിയരങ്ങ് മെമ്പർ ബീനാ മാഞ്ഞൂരാൻ എന്നിവർ പുസ്തകങ്ങൾ ഏറ്റുവാങ്ങി. ഉപദേശക സമിതി അംഗം ഏലിയാമ്മ കോര, ഭുവനേശ്വരി അമ്മ ടീച്ചർ, ജയമോൾ വറുഗീസ്, സുജ.എസ്എന്നിവർ സംസാരിച്ചു. വനിതാ അംഗങ്ങളെ, ഡോക്ടർ എം.ജി.ബാബുജി. ആതിരപ്രകാശ്, സുജ എസ്. ഏലിയാമ്മ കോര, എം.കെ.നാരായണൻ കുട്ടി എന്നിവർ ആദരിച്ചു.
തുടർന്ന് വനിതാ അംഗങ്ങൾ നേതൃത്വം നല്കിയ വിവിധ കലാപരിപാടികളും അരങ്ങേറി, മേഘല ജോസഫ്, ബേബി പാറക്കടവൻ എന്നിവർ നാടൻ പാട്ടുകൾ അവതരിപ്പിച്ചു. ചടങ്ങിന് രഞ്ജിനി.വി.തമ്പി.നീതു ശ്രീരാജ് മിനിസുരേഷ്, സുകു. പി.ഗോവിന്ദ്, ആകാശ്.ആർ. അജിത്ത്N തമ്പി എന്നിവർ നേതൃത്വം നൽകി.
ചീഫ് കോർഡിനേറ്റർ ബേബി പാറക്കടവൻ ആമുഖ പ്രഭാഷണം നടത്തി.
ശുഭാ സന്തോഷ് സ്വാഗതവും, രഞ്ജിനി. വി. തമ്പി നന്ദിയും പറഞ്ഞു.
