കർണാടകയിൽ തിരഞ്ഞെടുപ്പിന് ബാലറ്റ് പേപ്പർ ഉപയോഗിക്കാൻ തീരുമാനം
ബെംഗളൂരു മുനിസിപ്പൽ തിരഞ്ഞെടുപ്പിൽ ഇലക്ട്രോണിക് വോട്ടിംഗ് മെഷീനുകൾക്ക് (ഇവിഎം) പകരം ബാലറ്റ് പേപ്പർ ഉപയോഗിക്കുമെന്ന് കർണാടക സംസ്ഥാന തിരഞ്ഞെടുപ്പ് കമ്മിഷൻ തിങ്കളാഴ്ച അറിയിച്ചു.
തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പുകളിൽ ബാലറ്റ് പേപ്പറുകൾ ഉപയോഗിക്കാൻ മുഖ്യമന്ത്രി സിദ്ധരാമയ്യയുടെ നേതൃത്വത്തിലുള്ള സംസ്ഥാന മന്ത്രിസഭ കഴിഞ്ഞ വർഷം സംസ്ഥാന തിരഞ്ഞെടുപ്പ് കമ്മിഷന് ശുപാർശ ചെയ്തിരുന്നു.
"ഈ തീരുമാനത്തിന് പിന്നിൽ നിരവധി കാരണങ്ങളുണ്ടാകം. ഈ വിഷയത്തിൽ സംസ്ഥാന തിരഞ്ഞെടുപ്പ് കമ്മിഷൻ എല്ലാ പങ്കാളികളുമായി ആലോചിച്ച് ഒരു നിലപാട് സ്വീകരിച്ചു കഴിഞ്ഞു. ഞങ്ങൾ ഒരു തീരുമാനമെടുത്തിട്ടുണ്ട്," സംസ്ഥാന തിരഞ്ഞെടുപ്പ് കമ്മിഷണർ ജി.എസ്. സംഗ്രേഷി പറഞ്ഞു.
