വയനാട്ടിൽ വന്യമൃഗവേട്ട നടത്തിയ ആറംഗ സംഘത്തെ വനംവകുപ്പ് പിടികൂടി

പുൽപള്ളി: വയനാട്ടിൽ വന്യമൃഗവേട്ട നടത്തിയ ആറംഗ സംഘത്തെ വനംവകുപ്പ് പിടികൂടി. ഇരുളം ഫോറസ്റ്റ് സ്റ്റേഷൻ പരിധിയിലെ കാപ്പിസെറ്റ് ഭാഗത്ത് നടത്തിയ പരിശോധനയിലാണ് സംഘം വലയിലായത്. രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയിൽ പ്രതികളിൽ നിന്ന് 45 കിലോ വന്യമൃഗങ്ങളുടെ ഇറച്ചി, ഇന്നോവ കാർ, ജീപ്പ്, സ്കൂട്ടർ, ഒരു തിര നിറച്ച തോക്ക്, കത്തികൾ എന്നിവയും പിടിച്ചെടുത്തു.

കാപ്പിസെറ്റ് കാപ്പിപാടി ഉന്നതിയിലെ ശരത് (24), അനീഷ് (21), ഷിജോഷ് (42) കാരക്കാട്ടിൽ, രാജേഷ് (49) നെല്ലിക്കുന്നേൽ, റെജി മാത്യു (54) വെട്ടുവെളിയിൽ, ബിജേഷ് (49) അഴിക്കണ്ണിൽ എന്നിവരാണ് പിടിയിലായത്.