കാലിഫോർണിയ ട്രേസിയിൽ വൻ തീപിടിത്തം: മെഡിക്കൽ വെയർഹൗസ് കത്തി നശിച്ചു

 പ്രസാദ് തീയാടിക്കൽ

ട്രേസി, കാലിഫോർണിയ : കാലിഫോർണിയയിലെ ട്രേസി നഗരത്തിൽ ഉണ്ടായ അതിശക്തമായ തീപിടിത്തത്തിൽ ഒരു വലിയ മെഡിക്കൽ സപ്ലൈ വെയർഹൗസ് പൂർണ്ണമായും നശിച്ചതായി റിപ്പോർട്ട്.

മെഡ്‌ലൈൻ ഇന്ററസ്ട്രീസ് -ന്റെ വിതരണ കേന്ദ്രത്തിലാണ് തീപിടിത്തം ഉണ്ടായത്. വ്യാഴാഴ്ച ഉച്ചയോടെയാണ് തീ പടർന്നത്, തുടർന്ന് ഏകദേശം 10 ലക്ഷം ചതുരശ്ര അടി കെട്ടിടം മുഴുവൻ തീയിൽ വിഴുങ്ങപ്പെട്ടു.ജീവനക്കാരെ സുരക്ഷിതമായി ഒഴിപ്പിച്ചു ആളപായം ഇതുവരെ റിപ്പോർട്ട് ചെയ്തിട്ടില്ല.

നിരവധി ഫയർ യൂണിറ്റുകൾ ചേർന്ന് തീ നിയന്ത്രിക്കാൻ ശ്രമിച്ചു. സമീപത്തെ വ്യവസായ സ്ഥാപനങ്ങൾക്കും തീ പടരാനുള്ള സാധ്യത ഉണ്ടായതിനാൽ അവിടങ്ങളിൽ നിന്ന് ജീവനക്കാരെ മാറ്റി.തീപിടിത്തത്തിന്റെ കാരണം ഇതുവരെ വ്യക്തമല്ല, അന്വേഷണം തുടരുന്നു. ചില റിപ്പോർട്ടുകൾ പ്രകാരം സ്പ്രിങ്ക്ലർ സിസ്റ്റം, ജലമർദ്ദ പ്രശ്നങ്ങൾ തുടങ്ങിയവയും പരിശോധിക്കപ്പെടുന്നു.