മുഖ്യമന്ത്രിക്ക് നേരെ കരിങ്കൊടി; എല്ദോസ് കുന്നപ്പിള്ളി എം. എല്. എയ്ക്കു നേരെ ആക്രമണം
കൊച്ചി: കോണ്ഗ്രസ് നേതാവും പെരുമ്ബാവൂര് എംഎല്എയുമായ എല്ദോസ് കുന്നപ്പിള്ളിയ്ക്കു നേരെ കയ്യേറ്റം. ഡിവൈഎഫ്ഐ പ്രവര്ത്തകര് മര്ദിച്ച കോണ്ഗ്രസ് പ്രവര്ത്തകരെ ആശുപത്രിയില് സന്ദര്ശിക്കുന്നതിനിടെയാണ് കയ്യേറ്റമുണ്ടായത്.
നവകേരള സദസ്സിന്റെ ഭാഗമായി പെരുമ്ബാവൂരിലെത്തിയ മുഖ്യമന്ത്രി പിണറായി വിജയനെയും സംഘത്തെയും യൂത്ത് കോണ്ഗ്രസ്, കെഎസ്യു പ്രവര്ത്തകര് കരിങ്കൊടി കാണിച്ചിരുന്നു. ഇവരെ ഡിവൈഎഫ്ഐ പ്രവര്ത്തകര് പൊലീസിന്റെ സാന്നിധ്യത്തില് തല്ലിച്ചതച്ചു. ആശുപത്രിയില് പ്രവേശിപ്പിച്ച ഇവരെ സന്ദര്ശിക്കുന്നതിനിടെയാണ് എല്ദോസ് കുന്നപ്പിള്ളിയ്ക്കുനേരെ കയ്യേറ്റമുണ്ടായത്.
മുഖ്യമന്ത്രിയുടെ വാഹനവ്യൂഹത്തെ അനുഗമിച്ചെത്തിയ ഡിവൈഎഫ്ഐ പ്രവര്ത്തകരും യൂത്ത് കോണ്ഗ്രസ് പ്രവര്ത്തകരും തമ്മില് സംഘര്ഷമുണ്ടായതിനി തുടര്ന്ന് പൊലീസ് ഇടപെട്ട് ഇരുകൂട്ടരേയും പിരിച്ചുവിടുകയായിരുന്നു.
പെരുമ്ബാവൂര് ഓടക്കാലിയില് മുഖ്യമന്ത്രിയും മന്ത്രിമാരുമായി സഞ്ചരിക്കുന്ന നവകേരള ബസിന് നേരെ ഷൂ എറിഞ്ഞ സംഭവത്തില് നാലു കെഎസ് യു പ്രവര്ത്തകരെ പൊലീസ് കസ്റ്റഡിയിലെടുത്തു.