മിഡ് ലാൻഡ് പാർക്ക് സെന്റ് സ്റ്റീഫൻസ് ഓർത്തഡോൿസ് ദേവാലയത്തിൽ തിരുന്നാൾ ആഘോഷം
ജിനേഷ് തമ്പി
ന്യൂജേഴ്സി : മിഡ് ലാൻഡ് പാർക്ക് സെന്റ് സ്റ്റീഫൻസ് ഓർത്തഡോൿസ് ദേവാലയത്തിൽ വിശുദ്ധ സ്തെപ്പാനോസ് സഹദായുടെ തിരുനാൾ ആഘോഷ ചടങ്ങുകൾ ജനുവരി 9,10 (വെള്ളി /ശനി) തീയതികളിൽ ക്രമീകരിച്ചിരിക്കുന്നു . ദേവാലയത്തിന്റെ നാല്പത്തിരണ്ടാം വാർഷികാഘോഷവും തിരുനാൾ ചടങ്ങുകളുടെ ഭാഗമായി ഒരുക്കിയിട്ടുണ്ട് .
റവ:ഫാ.മോഹൻ ജോസഫ് (വികാരി, എബനേസർ ഓർത്തഡോൿസ് ദേവാലയം, മാങ്ങാനം), റവ:ഫാ.ഡോ. ബാബു കെ മാത്യു (വികാരി, സെന്റ് സ്റ്റീഫൻസ് ഓർത്തഡോൿസ് ദേവാലയം, മിഡ് ലാൻഡ് പാർക്ക്, ന്യൂജേഴ്സി), റവ:ഫാ. ഷിബു ഡാനിയൽ (വികാരി,സെന്റ് തോമസ് ഓർത്തഡോൿസ് ദേവാലയം, മൗണ്ട് ഒലീവ്, ന്യൂജേഴ്സി), റവ:ഫാ. എബി പൗലോസ് (വികാരി,സെന്റ് ജോൺസ് ഓർത്തഡോൿസ് ദേവാലയം, റോക്ലാൻഡ് ,ഓറഞ്ച്ബെർഗ്, ന്യൂയോർക് ) എന്നീ വൈദീക സ്രേഷ്ടരുടെ മുഖ്യ കാർമീകത്വത്തിൽ നടക്കുന്ന തിരുന്നാൾ ആഘോഷ ചടങ്ങുകളിൽ സെന്റ് ഗ്രീഗോറിയോസ് ഓർത്തഡോൿസ് ക്ലിഫ്ടൺ ദേവാലയ വികാരി വെരി .റവ:ഫാ. യേശുദാസൻ പാപ്പൻ, സെന്റ് മേരീസ് ഓർത്തഡോൿസ് ലിൻഡൻ ദേവാലയ വികാരി റവ:ഫാ. സണ്ണി ജോസഫ്, സെന്റ് ബസേലിയോസ് ഗ്രീഗോറിയോസ് ഓർത്തഡോൿസ് നോർത്ത് പ്ലൈൻഫീൽഡ് ദേവാലയ വികാരി റവ:ഫാ. വിജയ് തോമസ് എന്നിവർ സഹകാർമീകത്വം വഹിക്കും.
തിരുന്നാൾ ആഘോഷ ചടങ്ങുക്കൾക്ക് തുടക്കം കുറിച്ച് കൊണ്ട് ജനുവരി 9, വെള്ളിയാഴ്ച വൈകുന്നേരം 6 : 30 നു സന്ധ്യാ നമസ്കാരവും തുടർന്ന് ഏഴു മണിക്ക് റവ:ഫാ.മോഹൻ ജോസഫ് നയിക്കുന്ന പ്രഭാഷണവും. അതിനെ തുടർന്ന് പ്രദക്ഷിണവും, ആശീർവാദ ചടങ്ങുകളും ഡിന്നറും ഒരുക്കിയിട്ടുണ്ട്.
ജനുവരി 10 ശനിയാഴ്ച രാവിലെ 9 മണിക്ക് പ്രഭാത നമസ്കാരവും, 10 മണിക്ക് വിശുദ്ധ മൂന്നിൻമേൽ കുർബാനയും . അതിനു ശേഷം പ്രഭാഷണവും, ആശീർവാദ ചടങ്ങും, പ്രദക്ഷിണവും , തിരുന്നാൾ ആഘോഷങ്ങളിൽ സംബന്ധിക്കുന്ന എല്ലാ വിശ്വാസികൾക്കുമായി ഉച്ചഭക്ഷണവും സജ്ജമാക്കിയിട്ടുണ്ട് .
മിഡ് ലാൻഡ് പാർക്ക് സെന്റ് സ്റ്റീഫൻസ് ദേവാലയ വികാരി റവ:ഫാ. ഡോ ബാബു .കെ.മാത്യു സമീപ ഇടവകളിലേതു ഉൾപ്പെടെ എല്ലാ വിശ്വാസി സമൂഹത്തിനോടും തിരുനാൾ ആഘോഷങ്ങളിൽ ഭക്തിനിർഭരം പങ്കെടുക്കുവാനും ദൈവതിരുനാമത്തിൽ അനുഗ്രഹം പ്രാപിക്കുവാനും ആവശ്യപ്പെട്ടു.
കൂടുതൽ വിവരങ്ങൾക്ക്
റവ:ഫാ. ഡോ. ബാബു .കെ.മാത്യു (201 562 6112)
സെക്രട്ടറി : അജു തര്യൻ (201 724 9117)
ട്രെഷറർ : സുനിൽ മത്തായി (201 390 0373 )
പെരുന്നാൾ കോഓർഡിനേറ്റർ : ജിനേഷ് തമ്പി (347 543 6272 )
