താമസ, സന്ദര്‍ശക വിസ: കുടുംബങ്ങളെ കൊണ്ടുവരുന്നതിനുള്ള മാനദണ്ഡങ്ങള്‍ വ്യക്തമാക്കി ഖത്തര്‍
ദോഹ: താമസ, സന്ദര്‍ശക വിസകളില്‍ കുടുംബങ്ങളെ കൊണ്ടുവരുന്നതിനുള്ള മാനദണ്ഡങ്ങളിൽ വ്യക്തത വരുത്തി ഖത്തര്‍ ആഭ്യന്തര മന്ത്രാലയം.
സ്വന്തം സ്പോണ്‍സര്‍ഷിപ്പില്‍ കുടുംബ റെസിഡൻസി വിസക്ക് അപേക്ഷിക്കുേമ്ബാള്‍ ആണ്‍ മക്കള്‍ക്ക് 25ന് മുകളില്‍ പ്രായമാവാൻ പാടില്ല. പെണ്‍മക്കള്‍ അവിവാഹിതരായിരിക്കണം. ആറിനും 18നുമിടയില്‍ പ്രായമുള്ള മക്കള്‍ ഖത്തറിലോ, രാജ്യത്തിന് പുറത്തോ വിദ്യഭ്യാസം നല്‍കുന്നതായി സാക്ഷ്യപ്പെടുത്തണം. കുടുംബത്തിന് ആരോഗ്യ ഇൻഷുറൻസും ഉറപ്പാക്കണം. സര്‍ക്കാര്‍, അര്‍ധസര്‍ക്കാര്‍ ജീവനക്കാര്‍ക്ക് കുറഞ്ഞത് 10,000 റിയാല്‍ ശമ്ബളക്കാരായിരിക്കണം.
സ്വകാര്യ മേഖലകളില്‍ ജോലി ചെയ്യുന്നവര്‍ക്ക് ടെക്നികല്‍, സ്പെഷ്യലൈസ്ഡ് വിഭാഗം (തൊഴിലാളികള്‍ അല്ലാത്തവര്‍)പ്രഫഷണലുകള്‍ക്കാണ് കുടുംബ വിസക്ക് അപേക്ഷിക്കാൻ കഴിയുക. ചുരുങ്ങിയത് 10,000 റിയാല്‍ ശമ്ബളക്കാരായിരിക്കണം. അല്ലാത്ത പക്ഷം, 6000 റിയാല്‍ ശമ്ബളവും കമ്ബനിയുടെ കീഴില്‍ കുടുംബ താമസ സൗകര്യവുമുള്ളവര്‍ക്കും അപേക്ഷിക്കാം. ഇത് തൊഴില്‍ കരാറില്‍ വ്യക്തമാക്കിയിരിക്കണം.
തൊഴിലാളി ഇതര വിഭാഗക്കാരായ റെസിഡൻറിന് കുടുംബ സന്ദര്‍ശക വിസക്ക് അപേക്ഷിക്കാവുന്നതാണ്. കുറഞ്ഞത് 5000 റിയാല്‍ മാസ ശമ്ബളക്കാരായിരിക്കണം. കുടുംബ താമസ സൗകര്യവും ഉറപ്പാക്കണം. സ്പോണ്‍സര്‍ ചെയ്യുന്ന വ്യക്തിയുമായി അടുത്ത ബന്ധമുള്ളവരായിരിക്കണം സന്ദര്‍ശക വിസയില്‍ വരുന്നത്. മെട്രഷ് വഴി അപേക്ഷ സമര്‍പ്പിക്കുേമ്ബാള്‍ കാണുന്ന പട്ടികയിലെ ബന്ധുക്കള്‍ക്കായിരിക്കും സന്ദര്‍ശക വിസ അനുവദിക്കുന്നത് (ഉദാ: പിതാവ്, മാതാവ്, ഭാര്യ, മക്കള്‍, സഹോദരങ്ങള്‍, പിതാമഹൻ, അമ്മാവൻ, ഭാര്യാ മാതാപിതാക്കള്‍ ഉള്‍പ്പെടെ അടുത്ത ബന്ധുക്കളെ സ്പോണ്‍സര്‍ ചെയ്യാം). സന്ദര്‍ശക വിസയിലെത്തുന്നവര്‍ക്ക് പ്രായ നിബന്ധനകള്‍ ഇല്ല. അതേസമയം, ഖത്തറില്‍ നില്‍ക്കുന്നത് വരെ എല്ലാവര്‍ക്കും ആരോഗ്യ ഇൻഷുറൻസ് നിര്‍ബന്ധമാണ്. പുതിയ നിര്‍ദേശങ്ങള്‍ പ്രാബല്ല്യത്തില്‍ വന്നതായി അധികൃതര്‍ അറിയിച്ചു.
