11 ദിവസം കഠിനവ്രതവുമായി പവന്‍ കല്യാണ്‍
അമരാവതി: സംസ്ഥാനത്തിന്റെ ക്ഷേമത്തിനും ഐശ്വര്യത്തിനുംവേണ്ടി ഉപവാസം ആരംഭിച്ച്‌ ആന്ധ്രപ്രദേശ് ഉപമുഖ്യമന്ത്രിയും നടനുമായ പവൻ കല്യാണ്‍.
കഴിഞ്ഞ വർഷം ജൂണില്‍ ആന്ധ്രയിലെ ജനങ്ങളുടെ പ്രശ്നങ്ങള്‍ മുൻനിർത്തി 'വരാഹി വിജയ യാത്ര' എന്ന പേരില്‍ സംസ്ഥാനത്ത് യാത്ര നടത്തിയിരുന്നു. അന്നും അദ്ദേഹം ഉപവാസമനുഷ്ഠിച്ചിരുന്നു.
ഒൻപതോ പതിനൊന്നോ ദിവസം എടുക്കുന്ന ഉപവാസത്തിനെയാണ് വരാഹി അമ്മവാരി ദീക്ഷ. വിശ്വാസപ്രകാരം ഉപവാസമനുഷ്ഠിക്കുന്നവർ ദിനേനയുള്ള ഭക്ഷണം ഉപേക്ഷിച്ച്‌ ചുരുങ്ങിയ അളവിലുള്ള സാത്വിക് ഭക്ഷണം മാത്രമാണ് ഈ കാലയളവില്‍ ഭക്ഷിക്കുക. ദീക്ഷാ കാലയളവില്‍ നിലത്ത് കിടന്നുറങ്ങുകയും ചെരിപ്പിടാതെ നടക്കുകയും ചെയ്യുന്നതാണ് പതിവ്. ഉപവാസദിവസങ്ങളില്‍ രാവിലെയും വൈകുന്നേരവും പൂജ ചെയ്യണം. ഈ സമയം മാംസാഹാരങ്ങളോ ലഹരി ഉപയോഗമോ മറ്റോ പാടില്ല.
