ലുലു റീട്ടെയ്‌ലിന്റെ പ്രാരംഭ ഓഹരി വില്‍പ്പനയ്‌ക്ക് തിങ്കളാഴ്ച തുടക്കമാകും
അബുദബി: അബുദാബി സ്റ്റോക്ക് എക്‌സ്‌ചേഞ്ചിലെ ലിസ്റ്റിംഗിന്റെ ഭാഗമായി ലുലു റീട്ടെയ്‌ലിന്റെ പ്രാരംഭ ഓഹരി വില്‍പ്പനയ്‌ക്ക് തിങ്കളാഴ്ച തുടക്കമാകും.
വില്‍പനയില്‍ 89 ശതമാനം ഓഹരികള്‍ നിക്ഷേപക സ്ഥാപനങ്ങള്‍ക്കും, 10 ശതമാനം ചെറുകിട നിക്ഷേപകർക്കും, ഒരു ശതമാനം ജീവനക്കാർക്കുമായാണ് നീക്കിവച്ചിരിക്കുന്നത്. റീട്ടെയ്ല്‍ നിക്ഷേപകർക്കും നിക്ഷേപക സ്ഥാപനങ്ങള്‍ക്കും ഓഹരിക്കായി അപേക്ഷിക്കാനുള്ള സമയം നവംബർ 5ന് അവസാനിക്കും.
നവംബർ ആറിന് ഓഹരിയുടെ അന്തിമവില പ്രഖ്യാപിക്കും. നവംബർ 12ന് റീട്ടെയ്ല്‍ നിക്ഷേപകർക്ക് അലോട്ട്‌മെന്റ് സംബന്ധിച്ച എസ്‌എംഎസ് ലഭിക്കും. നവംബർ 14ന് അബുദാബി സ്റ്റോക്ക് എക്‌സ്‌ചേഞ്ചില്‍ ഓഹരികള്‍ ലിസ്റ്റ് ചെയ്യും.
