ഡോ. ദീപക് മിത്തൽ യുഎഇയിലെ പുതിയ ഇന്ത്യൻ സ്ഥാനപതി
അബുദാബി: യുഎഇയിലെ ഇന്ത്യൻ സ്ഥാനപതിയായി ഡോ. ദീപക് മിത്തൽ ചുമതലയേറ്റു. 1998 ബാച്ച് ഇന്ത്യൻ ഫോറിൻ സർവീസ് ഉദ്യോഗസ്ഥനായി, രണ്ട് പതിറ്റാണ്ടിലേറെ നയതന്ത്ര പരിചയമുള്ള ഡോ. മിത്തൽ വിവിധ പ്രധാന ആഗോള ദൗത്യങ്ങളിൽ പ്രവർത്തിച്ചിട്ടുണ്ട്.
മുൻ അംബാസഡർ സഞ്ജയ് സുധീർ വിരമിച്ച ഒഴിവിലാണ് ഡോ. മിത്തലിന്റെ നിയമനം . ഇജിപ്ത്, ഇസ്രായേൽ, ബംഗ്ലാദേശ് എന്നിവിടങ്ങളിൽ ഇന്ത്യയുടെ നയതന്ത്ര പ്രതിനിധിയായി സേവനം നൽകിയിട്ടുണ്ട്. ഹോ ചി മിൻ സിറ്റിയിലെ കോൺസൽ ജനറലും ഖത്തറിലെ ഇന്ത്യൻ സ്ഥാനപതിയുമായും അദ്ദേഹം പ്രവർത്തിച്ചിട്ടുണ്ട്.
ഇതോടൊപ്പം, ഡൽഹിയിലെ വിദേശകാര്യ മന്ത്രാലയത്തിലെ (MEA) പ്രധാന തസ്തികകളിൽ, പ്രധാനമന്ത്രി നരേന്ദ്രമോദിയുടെ ഓഫിസിൽ ഡയറക്ടർ, അഡീഷണൽ സെക്രറ്ററി പദവികളിലും സേവനം വഹിച്ചു. പാക്കിസ്ഥാൻ, അഫ്ഗാനിസ്ഥാൻ, ഇറാൻ എന്നിവരുമായി ബന്ധപ്പെട്ട നയതന്ത്ര വിഭാഗത്തിന് അദ്ദേഹം തലവനായിരുന്നു.
