2025ന് ​വിട: ശുഭ പ്രതീക്ഷകളോടെ ലോകം പുതു വർഷത്തിൽ

2025നോട് ​വിട  പറഞ്ഞ് പുത്തൻ പ്രതീക്ഷകളുമായി ലോകം 2026ലെത്തിയിരിക്കുന്നു. 

പസഫിക് സമുദ്രത്തിലെ ദ്വീപ് രാഷ്ട്രമായ കിരിബാത്തിയിലാണ് ആദ്യം പുതുവർഷം പിറന്നത്. ന്യൂസിലൻഡിലെ ഓക്‌ലൻഡിലും വർണ്ണാഭമായ വെടിക്കെട്ടുകളോടെ പുതുവർഷത്തെ വരവേറ്റു . 

ഇന്ത്യൻ സമയം രാത്രി 12ന് കേരളത്തിലും പുതുവർഷം പിറന്നു. തിരുവനന്തപുരം, കൊച്ചി, കോഴിക്കോട് തുടങ്ങി പ്രധാന ന​ഗരങ്ങളിലെല്ലാം പ്രത്യേക ആഘോഷങ്ങൾ നടക്കുന്നു. 

 മറ്റൊരു വർഷം കൂടി പിറക്കുമ്പോൾ അത് ഒരു ശുഭ പ്രതീക്ഷയാണ്  പുതിയൊരു കാഴ്ചപ്പാടിലേക്കുള്ള ചുവടുവെപ്പാണ്. കഴിഞ്ഞകാലത്തെ മുറിവുകൾ ഉണക്കി, ശുഭാപ്തിവിശ്വാസത്തോടെ മുന്നേറാനുള്ള സമയമാണിത്.  എല്ലാ വായനക്കാർക്കും  വേൾഡ് മലയാളി വോയിസിന്റെ പുതുവത്സര ആശംസകൾ...