മാസപ്പടി കേസ്; അന്വേഷണം തുടരാൻ ഇഡിക്ക് അനുമതി നൽകി ഹൈക്കോടതി
കൊച്ചി: മാസപ്പടി കേസിൽ എൻഫോഴ്സ്മെന്റ് ഡയറക്ടറേറ്റിന് അന്വേഷണം തുടരാൻ അനുമതി നൽകി ഹൈക്കോടതി. അന്വേഷണം റദ്ദാക്കണമെന്ന സി.എം.ആർ.എല്ലിന്റെ ഹർജി കോടതി തള്ളി. ഇതോടെ മുൻ മുഖ്യമന്ത്രി പിണറായി വിജയൻ്റെ മകൾ വീണ വിജയന്റെ കമ്പനിയായ എക്സാലോജിക് സൊല്യൂഷൻസും സി.എം.ആർ.എല്ലും തമ്മിലുള്ള ഇടപാടുകളിൽ ഇഡിയ്ക്ക് അന്വേഷണം തുടരാം.
സി.എം.ആർ.എൽ എംഡി ശശിധരന് കര്ത്തയേയും മുതിർന്ന ഉദ്യോഗസ്ഥരേയും ഇഡി നേരത്തെ ചോദ്യം ചെയ്തിരുന്നു. ഇവർ വീണ്ടും ഹാജരാകണമെന്ന് ആവശ്യപ്പെട്ടുള്ള ഇ ഡിയുടെ നോട്ടീസ് ചോദ്യം ചെയ്തും അന്വേഷണം റദ്ദാക്കണമെന്ന് ആവശ്യപ്പെട്ടുമുള്ള സി.എം.ആർ.എല്ലിന്റെ ഹർജിയാണ് ഹൈക്കോടതി തള്ളിയത്.
