അഫ്ഗാനിസ്ഥാനിൽ ഭൂചലനം, 6.2 തീവ്രത: ഇന്ത്യയിലും പ്രകമ്പനം
അഫ്ഗാനിസ്ഥാനിലെ ഹിന്ദുകുഷ് മേഖലയെ നടുക്കി 6.2 തീവ്രതയുള്ള ശക്തമായ ഭൂചലനം. പാകിസ്ഥാൻ, ജമ്മു കശ്മീർ, ഡൽഹി-എൻസിആർ എന്നിവിടങ്ങളിലും ഭൂചലനത്തിന്റെ പ്രകമ്പനം അനുഭവപ്പെട്ടതായി റിപ്പോർട്ടുകൾപുറത്ത് വന്നു. നാഷണൽ സെന്റർ ഫോർ സീസ്മോളജിയുടെ കണക്കുകൾ പ്രകാരം, ഭൂചലനം 215 കിലോമീറ്റർ ആഴത്തിലാണ് ഉണ്ടായത്.
റോയിട്ടേഴ്സ് റിപ്പോർട്ട് പ്രകാരം, പാകിസ്ഥാനിലെ ഖൈബർ പഖ്തുൻഖ്വ പ്രവിശ്യയിലെ സ്വാത് ജില്ലയിൽ ഭൂചലനത്തെ തുടർന്ന് പരിഭ്രാന്തരായ ആളുകൾ വീടുകളിൽ നിന്ന് പുറത്തേക്കോടി. ഇതുവരെ ആളപായമോ വലിയ നാശനഷ്ടമോ റിപ്പോർട്ട് ചെയ്തിട്ടില്ല.
കഴിഞ്ഞ വെള്ളിയാഴ്ച മുതൽ 24 മണിക്കൂറിനിടെ പാകിസ്ഥാനിൽ നാല് ഭൂചലനങ്ങളാണ് രേഖപ്പെടുത്തിയത്. ഇതിൽ ഏറ്റവും ശക്തമായത് 5.5 തീവ്രതയുള്ള ഭൂചലനമായിരുന്നു
