ശബരിമല സ്വര്ണ്ണക്കൊള്ളയില് സോണിയ ഗാന്ധിക്ക് പങ്കുണ്ടെന്ന് കരുതുന്നില്ല: എം. എ. ബേബി
ശബരിമല സ്വര്ണ്ണക്കൊള്ളയില് സോണിയ ഗാന്ധിക്ക് എന്തെങ്കിലും പങ്കുള്ളതായി കരുതുന്നില്ലെന്ന് സിപിഎം ജനറല് സെക്രട്ടറി എം. എ. ബേബി. സോണിയ ഗാന്ധിക്ക് എതിരെ ഇതുവരെ ഒരു തെളിവും വന്നിട്ടില്ല. ആകെ പുറത്ത് വന്നിട്ടുള്ളത് ചിത്രങ്ങള് മാത്രമാണെന്നും അദ്ദേഹം പറഞ്ഞു.
മുന്ദേവസ്വം മന്ത്രി അടക്കമുള്ളവര് പ്രതിയോടെപ്പം ഒന്നിലധികം സോണിയയുടെ വീട്ടില് പോയിട്ടുണ്ട്. ഇത്ര പെട്ടെന്ന് കടന്നു ചെല്ലാന് കഴിയാത്ത സ്ഥലത്ത് ഒന്നിലധികം തവണ ചെല്ലുന്നു. ഇതില് സംശയാസ്പദമായ കുറേ കാര്യങ്ങളുണ്ടെന്നും ബേബി പറഞ്ഞു.
പത്മകുമാറിന് സ്വര്ണകൊള്ളയില് നേരിട്ട് പങ്കില്ല. തെറ്റ് കണ്ടുപിടിക്കുന്നതില് ഭരണപരമായ വീഴ്ചയുണ്ടായതാണ് പത്മകുമാര് ചെയ്ത കുറ്റം. ചുമതലയില് ശ്രദ്ധ ചെലുത്താതുകൊണ്ട് അവിടെ ചില കുറ്റങ്ങളുണ്ടായി. ബോര്ഡ് ചെയര്മാനായിരിക്കെ എല്ലാം ശ്രദ്ധിക്കേണ്ടതായിരുന്നു എന്ന് അദ്ദേഹം പറഞ്ഞു.
ചുമതലയില് വീഴ്ച വരുത്തിയത് മാത്രമാണോ ചെയ്തത തെറ്റുന്ന വ്യക്തത വരണം. തെറ്റ് ചെയ്തെന്ന് കണ്ടെത്തിയാല് അവരെ ചെവിയില് പിടിച്ച് പുറത്തു കളയും. ഇതിനു മുമ്പും അത് ചെയ്തിട്ടുണ്ടെന്ന് എം. എ. ബേബി പറഞ്ഞു.
