സുപ്രീം കോടതിയുടെ അന്ത്യശാസനം; ഇലക്ടറല്‍ ബോണ്ട് വിവരങ്ങള്‍ എസ്ബിഐ കൈമാറി
ന്യൂഡൽഹി: ഇലക്ടറൽ ബോണ്ട് വിവരങ്ങൾ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) തെരഞ്ഞെടുപ്പ് കമ്മീഷനു കൈമാറി. ഇന്ന് പ്രവൃത്തി സമയം തീരും മുൻപ് കൈമാറണമെന്ന സുപ്രീം കോടതി നിർദ്ദേശത്തെ തുടർന്നു വൈകീട്ട് അഞ്ചരയോടെയാണ് കമ്മീഷനു എസ്ബിഐ വിവരങ്ങൾ കൈമാറിയത്.
ഈ മാസം 15ഓടെ തെരഞ്ഞെടുപ്പ് കമ്മീഷൻ വിവരങ്ങൾ വെബ്സൈറ്റിൽ പ്രസിദ്ധപ്പെടുത്തും. സുപ്രീം കോടതിയിൽ മുദ്രവച്ച കവറിൽ നൽകിയ വിവരങ്ങളും തെരഞ്ഞെടുപ്പ് കമ്മീഷൻ വെളിപ്പെടുത്തും.
വിവരങ്ങള്‍ ലഭിച്ചതായി തെരെഞ്ഞെടുപ്പ് കമ്മീഷന്‍ വ്യക്തമാക്കി.
