കഞ്ചാവ് ഉണക്കാനിട്ട് ബീച്ചിൽ കിടന്നുറങ്ങി; യുവാവിനെ കൈയോടെ പിടികൂടി പോലീസ്
കോഴിക്കോട്: ബീച്ചില് കഞ്ചാവ് ഉണക്കാനിട്ട് സമീപത്ത് കിടന്നുറങ്ങിയ യുവാവ് പിടിയില്. കോഴിക്കോട് ബീച്ചിലാണ് സംഭവം. വെള്ളയില് സ്വദേശി മുഹമ്മദ് റാഫിയാണ് പിടിയിലായത്.
വെള്ളിയാഴ്ച രാവിലെ ബിച്ചില് പ്രഭാത നടത്തത്തിനും മറ്റും എത്തിയവരാണ് സംഭവം കണ്ടത്ത്. ബീച്ചില് പായ വിരിച്ച് പുതച്ച് ഉറങ്ങിയിരുന്ന യുവാവിന് സമീപത്ത് പേപ്പറില് ഉണക്കാന് നിരത്തിയിട്ട നിലയില് ആയിരുന്നു കഞ്ചാവുണ്ടായിരുന്നത്.
നാട്ടുകാര് വിവരം അറിയിച്ചതിനെ തുടര്ന്ന് പോലീസ് എത്തി യുവാവിനെ പിടികൂടുകയായിരുന്നു. 350 ഗ്രാം കഞ്ചാവാണ് യുവാവിന്റെ പക്കല് ഉണ്ടായിരുന്നതത്. ഇയാള് നേരത്തെയും കഞ്ചാവ് കേസില് ഉള്പ്പെട്ടിട്ടുള്ള വ്യക്തിയാണ് എന്നാണ് വിവരം. വെള്ളയില് പോലീസെത്തി യുവാവിനെ പിടികൂടി തുടര് നടപടികള് സ്വീകരിച്ചു.
