നെഹ്റു ട്രോഫി വള്ളംകളി ടിക്കറ്റ് വാങ്ങാം
ആലപ്പുഴ: ചരിത്രപ്രസിദ്ധമായ നെഹ്റു ട്രോഫി വള്ളംകളിയുടെ ടിക്കറ്റ് വില്പ്പന ആരംഭിച്ചു. ഓഗസ്റ്റ് 22ന് പുന്നമടക്കായലില് നടക്കുന്ന 72-ാമത് നെഹ്റു ട്രോഫി വള്ളംകളിയുടെ ടിക്കറ്റ് വില്പ്പന റെജി ചെറിയാൻ എംഎൽഎ ഉദ്ഘാടനം ചെയ്തു. ആലപ്പുഴ ജില്ലയിലെയും എറണാകുളം, കോട്ടയം, പത്തനംതിട്ട, കൊല്ലം എന്നീ സമീപ ജില്ലകളിലെയും എല്ലാ പ്രധാന സര്ക്കാര് ഓഫീസുകളില് നിന്നും ടിക്കറ്റുകള് ലഭിക്കും. വ്യാഴാഴ്ച്ച ഉച്ചയോടെ സർക്കാർ ഓഫീസുകളിൽ നിന്ന് ടിക്കറ്റ് വാങ്ങാം.
എസ്ബിഐ, കാനറ ബാങ്ക്, കേരള ഗ്രാമീൺ ബാങ്ക് എന്നീ ബാങ്കുകള് വഴി ഓണ്ലൈനായി ടിക്കറ്റ് എടുക്കാനുള്ള സൗകര്യം വെള്ളിയാഴ്ച്ചയോടെ സജ്ജമാവും. ഒരു ലക്ഷം രൂപയുടെ കോർപറേറ്റ് ബോക്സ് ടിക്കറ്റിൽ അഞ്ച് പേർക്ക് നെഹ്റു പവലിയനിൽ പ്രവേശനം ലഭിക്കും. നാലുപേര്ക്ക് പ്രവേശനം ലഭിക്കുന്ന നെഹ്റു പവലിയനിലെ പ്ലാറ്റിനം കോര്ണര് ടിക്കറ്റ് വില 25000 രൂപയാണ്. 10000 രൂപയാണ് ഒരാള്ക്ക് പ്രവേശനം ലഭിക്കുന്ന പ്ലാറ്റിനം കോര്ണര് ടിക്കറ്റ് നിരക്ക്.
കോർപറേറ്റ് ബോക്സ്, പ്ലാറ്റിനം കോര്ണ് ടിക്കറ്റുകള് എടുക്കുന്നവരെ പവലിയനിലെത്തിക്കാന് പ്രത്യേക ബോട്ട് സൗകര്യം ഏര്പ്പെടുത്തിയിട്ടുണ്ട്. ഇവര്ക്ക് ഭക്ഷണസൗകര്യവും പവലിയനില് തന്നെ ഒരുക്കിയിട്ടുണ്ട്.
