ആർഎസ്എസ് ആവശ്യപ്പെട്ടാൽ ആ ദിവസം സ്ഥാനമൊഴിയും; മോഹൻ ഭാഗവത്
മുംബൈ: ആർഎസ്എസ് ആവശ്യപ്പെട്ടാൽ സർസംഘചാലക് സ്ഥാനത്തുനിന്ന് മാറാൻ തയ്യാറാണെന്ന് മോഹൻ ഭാഗവത്. മുംബൈയിൽ ആർഎസ്എസ് ശതാബ്ദി ആഘോഷങ്ങളോടനുബന്ധിച്ച് സംവാദ പരിപാടിയിൽ സംസാരിക്കുകയായിരുന്നു അദ്ദേഹം.
75 വയസ്സ് കഴിഞ്ഞാൽ ഔദ്യോഗിക പദവികളില്ലാതെ പ്രവർത്തിക്കുന്നതാണ് ഉചിതമെന്ന് താൻ സംഘടനയെ അറിയിച്ചിട്ടുണ്ടെന്നും എന്നാൽ തുടരാൻ ആവശ്യപ്പെട്ടതുകൊണ്ടാണ് പദവിയിൽ തുടരുന്നതെന്നും അദ്ദേഹം വ്യക്തമാക്കി.
ആർഎസ്എസ് മേധാവിയെ തിരഞ്ഞെടുക്കുന്നത് ജാതിയോ സമുദായമോ നോക്കിയല്ല, മറിച്ച് യോഗ്യതയുടെ അടിസ്ഥാനത്തിലാണ്. അടുത്ത സർസംഘചാലക് പട്ടികജാതി, പട്ടികവർഗ വിഭാഗത്തിൽ നിന്നാണോ എന്ന് പ്രവചിക്കാനാവില്ല, എന്നാൽ അദ്ദേഹം ഒരു ഹിന്ദു ആയിരിക്കും എന്നത് ഉറപ്പാണെന്ന് അദ്ദേഹം പറഞ്ഞു. ബ്രാഹ്മണനാകുക എന്നത് മേധാവിയാകാനുള്ള യോഗ്യതയല്ലെന്നും അദ്ദേഹം പറഞ്ഞു.
