ബംഗാൾ വോട്ടെണ്ണൽ: മമതയ്ക്ക് തിരിച്ചടി; കേന്ദ്ര ജീവനക്കാരെ നിയോഗിക്കുന്നത് സുപ്രീം കോടതി ശരിവെച്ചു

പശ്ചിമ ബംഗാൾ നിയമസഭാ തെരഞ്ഞെടുപ്പിന്റെ വോട്ടെണ്ണൽ മേൽനോട്ടത്തിനായി കേന്ദ്ര സർക്കാർ ഉദ്യോഗസ്ഥരെ നിയോഗിക്കാനുള്ള തീരുമാനത്തിനെതിരെ തൃണമൂൽ കോൺഗ്രസ് നൽകിയ ഹർജി സുപ്രീം കോടതി തള്ളി. തെരഞ്ഞെടുപ്പ് കമ്മീഷന്റെ ഈ നടപടി നിയമവിരുദ്ധമല്ലെന്ന് വ്യക്തമാക്കിയ കോടതി, കൽക്കട്ട ഹൈക്കോടതിയുടെ മുൻ ഉത്തരവ് ശരിവെക്കുകയും ചെയ്തു.

 കേന്ദ്ര സർക്കാർ ജീവനക്കാരെയും പൊതുമേഖലാ സ്ഥാപനങ്ങളിലെ ഉദ്യോഗസ്ഥരെയും വോട്ടെണ്ണൽ ഡ്യൂട്ടിക്ക് നിയോഗിക്കാമെന്ന തെരഞ്ഞെടുപ്പ് കമ്മീഷന്റെ നിർദ്ദേശത്തിന് ഇതോടെ നിയമസാധുത ലഭിച്ചു.

കേന്ദ്ര ജീവനക്കാർ തങ്ങൾക്കെതിരായി പ്രവർത്തിക്കുമെന്ന തൃണമൂൽ കോൺഗ്രസിന്റെ വാദം വെറും അനുമാനങ്ങൾ മാത്രമാണെന്ന് കോടതി നിരീക്ഷിച്ചു. സർക്കാർ ജീവനക്കാരുടെ വിശ്വാസ്യതയെ ചോദ്യം ചെയ്യുന്നത് ശരിയല്ലെന്നും അവർക്ക് അർഹമായ പരിഗണന നൽകണമെന്നും കോടതി ഓർമ്മിപ്പിച്ചു.