പ്രധാനമന്ത്രി നരേന്ദ്ര മോദിക്ക് 76ാം പിറന്നാൾ
പ്രധാനമന്ത്രി നരേന്ദ്ര മോദിയുടെ 76-ാം ജന്മദിനത്തിൽ കേരളത്തിലെ വിവിധ ക്ഷേത്രങ്ങളില്‍ പ്രത്യേക പൂജകളും വഴിപാടുകളും നടത്തി ബിജെപി നേതാക്കളും പ്രവർത്തകരും. ഭരണത്തിൽ 25 വർഷം പൂർത്തിയാക്കുന്ന പ്രധാനമന്ത്രിയുടെ ആയുരാരോഗ്യത്തിനായി പ്രാർത്ഥിച്ചാണ് ഒരു മാസം നീളുന്ന സേവാ സങ്കൽപ് അഭിയാൻ പരിപാടികൾക്ക് ബിജെപി തുടക്കം കുറിച്ചത്.
കാസർഗോഡ് മധൂർ ശ്രീ മദനന്തേശ്വര സിദ്ധിവിനായക ക്ഷേത്രത്തിൽ ബിജെപിയുടെ നേതൃത്വത്തിൽ ഉദയാസ്തമന പൂജയും ഗണപതി ഹോമവും നടത്തി. ബിജെപി കാസർഗോഡ് ജില്ലാ പ്രസിഡൻ്റ് എം എൽ അശ്വിനിയുടെ നേതൃത്വത്തിലായിരുന്നു രാവിലെ ക്ഷേത്രത്തിൽ ചടങ്ങുകൾ നടന്നത്.
മധൂർ ക്ഷേത്രത്തിലെ ഏറ്റവും സവിശേഷവും പ്രധാനപ്പെട്ടതുമായ വഴിപാടുകളിലൊന്നാണ് ഉദയാസ്തമന പൂജ. സൂര്യോദയം മുതൽ സൂര്യാസ്തമയം വരെ നീണ്ടുനിൽക്കുന്ന പ്രത്യേക പൂജകളും പ്രാർത്ഥനകളുമാണ് ഇതിൻ്റെ ഭാഗമായി ക്ഷേത്രത്തിൽ നടക്കുന്നത്
