എല്ഡിഎഫിന് വിട നല്കാന് കേരളം തയ്യാറാണെന്ന് പ്രധാനമന്ത്രി മോദി; കേരള വികസനത്തിന്റെ തുടക്കം തിരുവല്ലയിൽ നിന്ന്
ഇടത് സര്ക്കാരിന്റെ നാളുകള് എണ്ണപ്പെട്ടുവെന്ന് പ്രധാനമന്ത്രി നരേന്ദ്ര മോദി. നിയമസഭ തിരഞ്ഞെടുപ്പ് പ്രചരണത്തിനായി കേരളത്തിലെത്തിയ പ്രധാനമന്ത്രി മോദി തിരുവല്ലയിലെ എന്ഡിഎ തിരഞ്ഞെടുപ്പ് പ്രചാരണ റാലിയില് ശബരിമല അയ്യപ്പനെ പ്രണമിച്ചു മലയാളത്തിലാണ് അഭിസംബോധന ചെയ്ത് തുടങ്ങിയത്. കേരളത്തിലെ വികസനം തിരുവല്ലയില് നിന്ന് തുടങ്ങുമെന്നും അനൂപ് ആന്റണിയെ തിരുവല്ലയ്ക്ക് സമര്പ്പിക്കുകയാണെന്നും മോദി പറഞ്ഞു.
ബിജെപി തിരുവല്ലയില് വിജയിക്കുമെന്ന ആത്മവിശ്വാസവും പ്രധാനമന്ത്രി പ്രകടിപ്പിച്ചു. അനൂപ് ആന്റണി തനിക്കൊപ്പം വര്ഷങ്ങളായുണ്ടെന്നും മോദി പറഞ്ഞു. കേരളത്തിലെ പ്രവര്ത്തകരുമായി തന്റെ ബൂത്ത് പരിപാടിയില് സംസാരിച്ചതിലൂടെ എല്ഡിഎഫിന് വിട നല്കാന് കേരളം തയ്യാറാണെന്ന് മനസിലായെന്നും മോദി പറഞ്ഞു. തന്നെ കാണാന് ഹെലിപാഡിന് സമീപം റോഡ് ഷോക്ക് എത്തിയപോലെ ജനങ്ങള് തടിച്ചുകൂടിയിരിക്കുന്നുവെന്നും റോഡിന് ഇരുവശവും ജനങ്ങളുണ്ടായിരുന്നുവെന്നും മോദി അവകാശപ്പെട്ടു.
കുമ്മനം രാജശേഖരന്, അനൂപ് ആന്റണി അടക്കമുള്ള സ്ഥാനാര്ത്ഥികളുടെ കൈപിടിച്ച് ഉയര്ത്തിയാണ് മോദി സദസിനെ അഭിവാദ്യം ചെയ്തത്. വേദിയില് എന്ഡിഎ സ്ഥാനാര്ത്ഥികള് മോദിക്കൊപ്പം അണിനിരന്നു. തിരുവല്ലയിലെ കണ്വെന്ഷനില് 11 എന്ഡിഎ സ്ഥാനാര്ഥികളാണ് പങ്കെടുക്കുന്നത്.തിരുവല്ലയിലെ എന്ഡിഎ കണ്വെന്ഷന് വേദിയിലെത്തിയ മോദിക്ക് ക്രിസ്തുവിന്റെ രൂപം നല്കിയാണ് ബിജെപി നേതാവ് സ്വീകരിച്ചത്. കോട്ടയം ജില്ലാ കമ്മിറ്റിയാണ് മോദിക്ക് തിരുരൂപം നല്കിയത്. എന്ഡിഎ സ്ഥാനാര്ഥി അനൂപ് ആന്റണി പടയണി തപ്പാണ് മോദിക്ക് സമ്മാനിച്ചത്.
