കന്നഡ ഭാഷയ്‌ക്കെതിരായ പരാമർശം പാടില്ല; കമൽഹാസനെ വിലക്കി ബെംഗളൂരു കോടതി
കന്നഡ ഭാഷയ്ക്കെതിരെ പരാമർശം നടത്തുന്നതിൽ നടൻ കമൽഹാസന് കർശന വിലക്കേർപ്പെടുത്തി ബെംഗളൂരു കോടതി. കന്നഡ ഭാഷയെയോ സംസ്‌കാരത്തെയോ അപകീർത്തിപ്പെടുത്തുന്നതോ അവഹേളിക്കുന്നതോ ആയ പരാമർശങ്ങൾ നടത്തുന്നതിലാണ് വിലക്ക് ഏർപ്പെടുത്തിയത്. കന്നഡ സാഹിത്യ പരിഷത്ത് (കെഎസ്പി) സംഘടന പ്രസിഡന്റ് മഹേഷ് ജോഷി സമർപ്പിച്ച പരാതിയെ തുടർന്നാണ് അഡീഷണൽ സിറ്റി സിവിൽ ആൻഡ് സെഷൻസ് ജഡ്ജി ഉത്തരവ് പുറപ്പെടുവിച്ചത്.
തഗ് ലൈഫ് സിനിമയുടെ പ്രചാരണ വേളയിൽ കമൽ ഹാസൻ കന്നഡ ഭാഷയുടെ ഉത്ഭവത്തെക്കുറിച്ച് നടത്തിയ പരാമർശം വലിയ വിവാദമായിരുന്നു. കന്നഡ തമിഴിൽ നിന്നാണ് ഉണ്ടായതെന്ന് കമൽഹാസന്റെ മുൻ പരാമർശത്തിന് അദ്ദേഹം മാപ്പ് പറയേണ്ടതില്ലെന്ന് സുപ്രീം കോടതി ഉത്തരവിട്ടതിനു പിന്നാലെയാണ് ബെംഗളൂരു കോടതി വിലക്കേർപ്പെടുത്തിയത്.
