സ്റ്റാറ്റൻ ഐലൻഡ് സെയിന്റ് മേരീസ് ഓർത്തഡോക്സ് പള്ളി വിശുദ്ധ ദൈവമാതാവിൻറെ വാങ്ങിപ്പുപെരുനാൾ ആഘോഷിക്കുന്നു

-ക്യാപ്റ്റൻ രാജു ഫിലിപ്പ്

സ്റ്റാറ്റൻ ഐലൻഡ്, ന്യൂ യോർക്ക്: പരിശുദ്ധ കന്യക മറിയാമിന്റെ
വാങ്ങിപ്പുപെരുനാൾ സ്റ്റാറ്റൻ ഐലൻഡ് സെയിന്റ് മേരീസ് ഓർത്തഡോക്‌സ്
ദേവാലയം (130 Park Avenue, Staten Island, NY) 2025 ഓഗസ്റ്റ് 15 വെള്ളിയാഴ്ചയും
16 ശനിയാഴ്ചയും ആഘോഷിക്കും.

സെയിന്റ് തോമസ് ഓർത്തഡോക്സ് വൈദിക സംഘം ജനറൽ സെക്രട്ടറി ഫാ.
ഡോ. നൈനാൻ വി. ജോർജ് ആയിരിക്കും മുഖ്യകാർമികത്വം വഹിക്കുക.
ഓഗസ്റ്റ് 10 ഞായറാഴ്ച വിശുദ്ധ കുർബാനയ്ക്ക് ശേഷം പതാക ഉയർത്തൽ
ചടങ്ങോടെ പെരുന്നാൾ ആഘോഷങ്ങൾ ഔദ്യോഗികമായി ആരംഭിക്കും.

കാര്യ പരിപാടിൾ ഇപ്രകാരമാണ്:

• ഓഗസ്റ്റ് 15 വെള്ളിയാഴ്ച:
വൈകുന്നേരം 6:00 മണിക്ക് സന്ധ്യാ നമസ്‌കാരം ആരംഭിക്കും, തുടർന്ന് ഫാ. ഡോ.
നൈനാൻ വി. ജോർജ് വചനശുസ്രൂഷ നിർവഹിക്കും.

• ഓഗസ്റ്റ് 16 ശനിയാഴ്ച:
രാവിലെ 8:30 ന് പ്രഭാത നമസ്‌കാരം ആരംഭിക്കും, തുടർന്ന് 9:30 ന് വിശുദ്ധ
കുർബാന ആഘോഷിക്കും. ഫാ. ഡോ. നൈനാൻ വി. ജോർജ്ജ് മുഖ്യ
കാർമ്മികനായി ഫാ. ടി. എ. തോമസ് (വികാരി), ഫാ. ഗീവർഗീസ് വർഗീസ്
(അസിസ്റ്റന്റ് വികാരി) എന്നിവരുടെ സഹകരണത്തിലും വിശുദ്ധ കുർബാനയും
ഉണ്ടായിരിക്കും. വിശുദ്ധ കുർബാനയ്ക്കുശേഷം പ്രദക്ഷിണം നടക്കും. തുടർന്ന്
നേർച്ചയും ഉച്ചഭക്ഷണവും ഉണ്ടായിരിക്കും.

ഫാ. ടി. എ. തോമസ്, ഫാ. ഗീവർഗീസ് വർഗീസ്, ക്യാപ്റ്റൻ രാജു ഫിലിപ്പ്
(സെക്രട്ടറി), ജോസഫ് ഇ. മാത്യു (ട്രഷറർ) എന്നിവരുടെ നേതൃത്വത്തിലുള്ള ഒരു
കമ്മിറ്റി ക്രമീകരണങ്ങൾ ഏകോപിപ്പിക്കുന്നു.

ഫാ. ടി. എ. തോമസ്

ഫാ. ഗീവർഗീസ് വർഗീസ്

എല്ലാവരും പങ്കെടുക്കുകയും
അനുഗ്രഹം പ്രാപിക്കുകയും ചെയ്യണമെന്ന് ഇടവകയുടെ ഭാരവാഹികൾ
അഭ്യർത്ഥിക്കുന്നു.

കൂടുതൽ വിവരങ്ങൾക്ക്, ദയവായി ബന്ധപ്പെടുക:
ക്യാപ്റ്റൻ രാജു ഫിലിപ്പ്, ഫോൺ: (917) 854-3818