കോന്നിയിലെ പാറമടയിൽ ഹിറ്റാച്ചിക്ക് മുകളിലേക്ക് പാറക്കല്ല് വീണ് അപകടം; രണ്ട് തൊഴിലാളികൾ മരിച്ചു

പത്തനംതിട്ട: പയ്യനാമൺ ചെങ്കുളത്ത് പാറമടയിൽ ഹിറ്റാച്ചിക്ക് മുകളിൽ പാറ വീണുണ്ടായ അപകടത്തിൽ രണ്ട് പേർ മരിച്ചു. മരിച്ചവരിൽ ഒരാൾ ജാർഖണ്ഡ് സ്വദേശിയും മറ്റയാൾ ഒഡീഷ സ്വദേശിയുമാണ്. കൂടുതൽ പേർ കുടുങ്ങിക്കിടപ്പുണ്ടാകുമെന്നാണ് സൂചന.

പാറമടയിൽ പണി നടക്കുന്നതിനിടെ വാഹനത്തിന് മുകളിലേക്ക് പാറ വീഴുകയായിരുന്നു. ഉച്ചഭക്ഷണത്തിന് ശേഷം ഷിഫ്റ്റ് പ്രകാരം ജോലിക്ക് കയറിയവരാണ് അപകടത്തിൽ പെട്ടത്. അപകടം നടന്ന സ്ഥലത്തേക്ക് എത്തുന്നത് വളരെ പ്രയാസമാണ്.  പൊലീസും ഫയർ ഫോഴ്‌സും അപകട സ്ഥലത്തെത്തിയെങ്കിലും ഹിറ്റാച്ചിയുടെ അടുത്തേക്ക് പോകാൻ സാധിച്ചിട്ടില്ല.