ഇനി നമുക്ക് കർഷകരെക്കുറിച്ച് സംസാരിക്കാം : കവിത, രാജു, കാഞ്ഞിരങ്ങാട്

Jul 16, 2021 - 16:39
Mar 14, 2023 - 08:33
 0  329
ഇനി നമുക്ക് കർഷകരെക്കുറിച്ച് സംസാരിക്കാം : കവിത, രാജു, കാഞ്ഞിരങ്ങാട്

 


 

നാം എന്തൊക്കെ കാര്യങ്ങളെക്കുറിച്ച്
സംസാരിക്കുന്നു നിത്യവും

ഇനി നമുക്ക് കർഷകരെക്കുറിച്ച്
സംസാരിക്കാം

കളിക്കുന്നവനെക്കുറിച്ചല്ല
കിളക്കുന്നവനെക്കുറിച്ച്
വിണ്ണിൽ പറക്കുന്നവനെക്കുറിച്ചല്ല
മണ്ണിൽ പണിയുന്നവനെക്കുറിച്ച്

അപ്പം വിൽക്കുന്നവനെക്കുറിച്ചല്ല
അന്നം വിളമ്പുന്നവനെക്കുറിച്ച്
ചോറ് തിന്നുന്നവനെക്കുറിച്ചല്ല
ചേറിൽ പുലരുന്നവനെക്കുറിച്ച്

കീറിയ ഒറ്റമുണ്ടിലെ ഒട്ടിയവയറിനെ
ഗാന്ധിയെ ആരുണ്ട് കാണാൻ?!
ഒറ്റുകൊടുത്ത് കുമ്പ കുലുക്കി തോക്കു
മിനുക്കുന്ന
ഗോഡ്സേയ്ക്കു സ്തുതി പാടുവാനെ
ങ്ങും തിരക്ക്

നാം എന്തൊക്കെ കാര്യങ്ങളെക്കുറിച്ച്
സംസാരിക്കുന്നു നിത്യവും
ഇന്നുവരെ സംസാരിച്ചിട്ടുണ്ടോ കർഷക
രെക്കുറിച്ച്

നോക്കൂ ;
ഇനി നമുക്ക് കർഷകരെക്കുറിച്ച്
സംസാരിക്കാം

  

രാജു.കാഞ്ഞിരങ്ങാട്