വിനോദസഞ്ചാരികളുടെ എണ്ണത്തിൽ റെക്കോർഡ്

സംസ്ഥാനത്ത് വിനോദ സഞ്ചാരികളുടെ എണ്ണത്തിൽ റെക്കോഡ് വർധനയെന്ന് ടൂറിസം വകുപ്പ് മന്ത്രി പിഎ മുഹമ്മദ് റിയാസ്.

സമയം മലയാളം റിപ്പോർട്ട് അനുസരിച്ച്, 2025ലെ കണക്കു പ്രകാരം 25880365 സഞ്ചാരികൾ കേരളത്തിൽ എത്തി. എൽഡിഎഫ് സർക്കാർ അഞ്ച് വർഷം പിന്നിടുമ്പോൾ വിനോദസഞ്ചാരികളുടെ എണ്ണത്തിൽ കേരളം തുടർച്ചയായി റെക്കോഡ് ഭേദിക്കുന്ന സാഹചര്യത്തിലേക്ക് എത്തിയെന്നും മന്ത്രി പറഞ്ഞു.

2024 ലെ റെക്കോർഡ് 2025ൽ തിരുത്തി. 2024 ലേതിനേക്കാൾ 28955002 സഞ്ചാരികൾ അധികം എത്തി. 2024 ൽ ആകെ എണ്ണം 22985363 ആയിരുന്നു.

ആഭ്യന്തര സഞ്ചാരികളുടെ എണ്ണത്തിലാണ് വലിയ കുതിപ്പ്. 2025 ൽ 25058366 ആഭ്യന്തര സഞ്ചാരികൾ എത്തി. മുൻവർഷം ഇത് 22246989 ആയിരുന്നു. 12.46 ശതമാനം അധികം. കൊവിഡിന് മുമ്പുള്ളതിനേക്കാൾ 36.3 ശതമാനം അധികം.

ഇടുക്കി ജില്ലയാണ് ആഭ്യന്തര സഞ്ചാരികളുടെ വരവിൽ ഏറ്റവും മുന്നിൽ 4679800. എറണാകുളം (4429899), തിരുവനന്തപുരം (4375846), തൃശൂർ (3124696), വയനാട് (1473710), കോഴിക്കോട് (1469253) എന്നീ ജില്ലകളാണ് തൊട്ടുപിന്നിൽ.

കേരളത്തിന് പുറമെ തമിഴ്‌നാട്, കർണാടകം, മഹാരാഷ്ട്ര, ആന്ധ്രപ്രദേശ്, ഗുജറാത്ത്, തെലങ്കാന, ഡൽഹി, ഉത്തർപ്രദേശ്, പശ്ചിമബംഗാൾ എന്നീ സംസ്ഥാങ്ങളാണ് ആഭ്യന്തരസഞ്ചാരികളുടെ വരവിൽ സംഭാവന ചെയ്യുന്ന പ്രധാന സംസ്ഥാനങ്ങൾ.

2025 ൽ 821999 വിദേശ സഞ്ചാരികളാണ് കേരളം സന്ദർശിച്ചത്. മുൻവർഷത്തേക്കാൾ 11.3 ശതമാനം വർധന. ബ്രിട്ടൺ, അമേരിക്ക, ജർമ്മനി, ഫ്രാൻസ്, കാനഡ, ഓസ്‌ട്രേലിയ, മലേഷ്യ, സൗദി അറേബ്യ, ഒമാൻ, മാലദ്വീപ് എന്നീ രാജ്യങ്ങളിൽനിന്നുള്ള സഞ്ചാരികളാണ് കൂടുതലായി എത്തുന്നത്.

വിദേശ സഞ്ചാരികൾ എത്തുന്നതിൽ എറണാകുളം ജില്ലയാണ് മുന്നിൽ. തിരുവനന്തപുരം, ഇടുക്കി, ആലപ്പുഴ, കോട്ടയം ജില്ലകളാണ് തൊട്ടുപിന്നിൽ.

കേരള ടൂറിസം നടത്തിയ ആസൂത്രിതമായ പ്രവർത്തനങ്ങളുടെ ഭാഗമായാണ് ഈ നേട്ടം സാധ്യമാക്കാനായത്. റസ്റ്റ് ഹൗസുകൾ നവീകരിച്ചതോടെ വലിയ മാറ്റമുണ്ടായി. താമസത്തിനു എത്തുന്നതിൽ വലിയ ശതമാനവും സഞ്ചാരികൾ ആണ്.

വടക്കൻ കേരളത്തിൽ വലിയ മുന്നേറ്റമാണ് ഉണ്ടാക്കാൻ കഴിഞ്ഞത്. കാസർകോട് അടക്കമുള്ള ജില്ലകളിൽ ഫൈവ് സ്റ്റാർ ഹോട്ടലുകൾ ഉൾപ്പെടെ താമസ സൗകര്യം വർധിച്ചു. മികച്ച റോഡുകൾ ഒരുക്കി. വിനോദസഞ്ചാരികളുടെ എണ്ണത്തിൽ പിന്നോക്കം നിന്നിരുന്ന വയനാട്, കോഴിക്കോട്, തൃശൂർ ജില്ലകളിൽ ഇതോടെയാണ് കുതിപ്പുണ്ടായതെന്ന് മന്ത്രി റിയാസ് പറഞ്ഞു.