തമിഴ്നാട്ടില് വ്യാജ മദ്യം കഴിച്ച് 13 മരണം
![തമിഴ്നാട്ടില് വ്യാജ മദ്യം കഴിച്ച് 13 മരണം](https://worldmalayaleevoice.com/uploads/images/202406/image_870x_6672fb32746e7.jpg)
ചെന്നൈ: തമിഴ്നാട്ടില് വീണ്ടും വ്യാജ മദ്യ ദുരന്തം. കള്ളക്കുറിച്ചിയില് വ്യാജ മദ്യം കഴിച്ച് 13 പേർ മരിച്ചു.
നാല്പതോളം പേർ ആശുപത്രിയില് ചികിത്സയിലാണ് ഇതില് പലരുടെയും നില ഗുരുതരമാണ്.
ചൊവ്വാഴ്ച രാത്രി കൂലിപ്പണിക്കാർ കരുണാപുരത്തെ വ്യാജമദ്യ വില്പനക്കാരില് നിന് മദ്യം വാങ്ങിക്കഴിച്ചിരുന്നു. വീട്ടിലെത്തിയത് മുതല് ഇവർക്ക് തലവേദനയും ഛർദ്ദിയും അനുഭവപ്പെടുകയായിരുന്നു. തുടർന്ന് ഇവരെ ബന്ധുക്കള് കള്ളക്കുറിച്ചി സർക്കാർ മെഡിക്കല് കോളേജിലും സ്വകാര്യ ആശുപത്രികളിലും എത്തിച്ചു. കള്ളക്കുറിച്ചിയിലും പുതുച്ചേരിയിലുമായി 40ഓളം പേരാണ് ചികിത്സയിലുള്ളത്.
എന്നാല് വ്യാജമദ്യമാണ് മരണകാരണമെന്ന് സ്ഥിരീകരിച്ചിട്ടില്ലെന്നായിരുന്നു ശ്രാവണ്കുമാർ പറഞ്ഞത്. മൂന്നുപേർ വീട്ടില് വച്ചാണ് മരിച്ചത്. ഒരാള് വയറുവേദനയെ തുടർന്നാണ് മരിച്ചത്. മറ്റൊരാള്ക്ക് അപസ്മാരമുണ്ടായി. ഒരാള് പ്രായാധിക്യത്തെ തുടർന്നും മരിച്ചു. രക്തസാമ്ബിളുകള് പരിശോധനയ്ക്ക് അയച്ചിട്ടുണ്ടെന്നുമായിരുന്നു അദ്ദേഹം പറഞ്ഞത്. എന്നാല് വ്യാജമദ്യം കഴിച്ചതിനെ തുടർന്നണ് മരണങ്ങള് എന്ന് തമിഴ്നാട് സർക്കാർ പ്രസ്താവന ഇറക്കുകയായിരുന്നു.