സ്വർണവില സർവകാല റെക്കോർഡിൽ; വില 1 ലക്ഷം കടന്നു

കൊച്ചി: കേരളത്തിൽ സ്വർണ വില സർവകാല റെക്കോർഡിലെത്തി. ഒരു പവൻ സ്വർണത്തിന്റെ ഇന്നത്തെ വില 1,01,600 രൂപയാണ്. ഒരു ഗ്രാം സ്വർണത്തിന് 12,700 രൂപയാണ് വില. ഇന്ന് 1,760 രൂപയാണ് ഉയർന്നത്.

കഴിഞ്ഞ കുറച്ചു ദിവസങ്ങളിലായി സ്വർണ വില 90,000 ത്തിന് മുകളിലായിരുന്നു. കോവിഡ് സമയത്ത് 40000 രൂപയായിരുന്നു സ്വർണവില. 5 വർഷം പിന്നിടുമ്പോൾ വില ഒരു ലക്ഷത്തിൽ എത്തിനിൽക്കുകയാണ്. കഴിഞ്ഞ ജനുവരിയിൽ 57,000 രൂപയായിരുന്നു സ്വർണവില. എന്നാൽ, ഈ വർഷം ഇതുവരെ കൂടിയത് 44,400 രൂപയാണ്.