പ്രമുഖ പരിസ്ഥിതി ശാസ്ത്രജ്ഞന് മാധവ് ഗാഡ്ഗില് അന്തരിച്ചു
കൊച്ചി: പ്രമുഖ പരിസ്ഥിതി ശാസ്ത്രജ്ഞന് മാധവ് ഗാഡ്ഗില് അന്തരിച്ചു. പൂനെയിലെ വീട്ടില് വച്ചായിരുന്നു അന്ത്യം. 83 വയസ്സായിരുന്നു. പശ്ചിമഘട്ടത്തിലെ പരിസ്ഥിതിയെക്കുറിച്ച് പഠിക്കാൻ കേന്ദ്ര സർക്കാർ നിയോഗിച്ച സംഘത്തിന്റെ അധ്യക്ഷനായിരുന്നു.
ഇന്ത്യയിലെ പരിസ്ഥിതി പഠനങ്ങൾക്ക് ശാസ്ത്രീയമായ അടിത്തറ പാകി പശ്ചിമഘട്ട മലനിരകളുടെ സംരക്ഷണത്തിനായി സമർപ്പിച്ച 'ഗാഡ്ഗിൽ കമ്മിറ്റി റിപ്പോർട്ടി'ലൂടെ അദ്ദേഹം, ആഗോളതലത്തിൽ ശ്രദ്ധിക്കപ്പെട്ടു. പശ്ചിമഘട്ടത്തിലെ പരിസ്ഥിതി ലോല പ്രദേശങ്ങളിൽ പാറഖനനം, അണക്കെട്ട് നിർമാണം തുടങ്ങിയവ നിയന്ത്രിക്കണമെന്ന് ഗാഡ്ഗിൽ കമ്മിറ്റി ശുപാർശ ചെയ്തിരുന്നു.
പരിസ്ഥിതി സംരക്ഷണവും വികസനവും എങ്ങനെ ഒത്തുപോകണം എന്നതിൽ അദ്ദേഹം മുന്നോട്ടുവെച്ച ആശയങ്ങൾ വലിയ ചർച്ചകൾക്കും വിവാദങ്ങൾക്കും വഴിതെളിച്ചിരുന്നു
രാജ്യം പദ്മശ്രീ, പത്മഭൂഷണ് നല്കി ആദരിച്ചിരുന്നു. സംസ്കാരം ഇന്ന് വൈകീട്ട് നാല്മണിക്ക് വൈകുണ്ഡ് ശ്മശാനത്തില്.
