ജെറ്റ് ഇന്ധനത്തിന് പകരം സസ്‌റ്റൈനബിള്‍ ഏവിയേഷന്‍ ഇന്ധനം ഉപയോഗിച്ച്‌ പറന്ന് എമിറേറ്റ്സ്
വ്യോമയാനരംഗത്ത് ഏറെ നിര്‍ണായകമായ പരീക്ഷണം നടത്തി എമിറേറ്റ്സ് എയര്‍ ലൈന്‍സ്. ജെറ്റ് ഇന്ധനത്തിന് പകരം ആദ്യമായി എ-380 യാത്രാവിമാനത്തില്‍ ബദല്‍ ഇന്ധനം നിറച്ച്‌ എമിറേറ്റ്സ് വിമാനം വിജയകരമായി പറന്നു. വ്യോമയാന രംഗത്ത് ഏറെ നിര്‍ണായക പരീക്ഷണമാണ് എമിറേറ്റ്സ് നടത്തിയത്.
ജെറ്റ് ഫ്യൂവലിനെ അപേക്ഷിച്ച്‌ 85% കുറവ് കാര്‍ബണ്‍ മാത്രമേ സസ്‌റ്റൈനബിള്‍ ഏവിയേഷന്‍ ഫ്യൂവല്‍ പുറന്തള്ളുന്നൂള്ളു എന്നതാണ് പ്രത്യേകത. ജെറ്റ് ഫ്യൂവലില്‍ 50 ശതമാനം സസ്‌റ്റൈനബിള്‍ ഏവിയേഷന്‍ ഫ്യൂവല്‍ കൂടി ഉപയോഗിച്ച്‌ നേരത്തെ പരീക്ഷണം നടത്തിയിരുന്നു. എന്നാല്‍ ആദ്യമായാണ് പൂര്‍ണമായും ബദല്‍ ഇന്ധനം ഉപയോഗിച്ച്‌ വിമാനം ആകാശ യാത്ര നടത്തിയത്.
